Американската академија за педијатрија препорачува воведување на скрининг за самоубиство кај адолесцентите

Предизвиците за менталното здравје кај децата, адолесцентите и младите се реални и широко распространети. Дури и пред пандемијата, алармантен број млади луѓе се бореле со чувства на беспомошност, депресија и мисли за самоубиство - а стапките се зголемиле во текот на изминатата деценија

Препораката доаѓа околу 6 месеци откако американскиот хирург генерал д-р Вивек Мурти, повика да се посвети поголемо внимание на менталното здравје на младите

Со зголемувањето на стапките на самоубиства кај младите во последниве години, Американската академија за педијатрија сега препорачува адолесцентите од 12 години па нагоре да бидат прегледани за ризик од самоубиство како дел од редовната превентивна нега.

ААП неодамна ја додаде препораката за скрининг за ризик од самоубиство во упатствата за скрининг на депресија. Давателите на здравствени услуги се повикуваат да им поставуваат прашања на своите млади пациенти за да ги идентификуваат мислите и плановите за самоубиство, известува WDEF.

Една од најголемите работи што можете да ги направите ако имате дете или тинејџер кое има депресија со сериозен, значителен ризик од самоубиство, е секој ден само да го прашувате како е

„Како прво, треба треба да се направи скрининг за депресија и присуство на депресија, а тие луѓе обично ќе имаат чувство на депресивно расположение, безнадежност, беспомошност, и/или во основа, недостаток на интерес за задоволство или антиципација на среќа“, вели Тимоти Фулер, медицински директор за бихејвиорално здравје и педијатрија на Американската академија за педијатрија.

Мит е дека зборувањето за самоубиство ја зголемува веројатноста дека лицето ќе се обиде да се самоубие, рече тој.

„Една од најголемите работи што можете да ги направите, исто така, ако имате дете или тинејџер кое има депресија со сериозен, значителен ризик од самоубиство, е само да го прашувате како е секој ден“, рече Фулер.

Препораката доаѓа околу 6 месеци откако американскиот хирург генерал д-р Вивек Мурти, повика да се посвети поголемо внимание на менталното здравје на младите.

„Предизвиците за менталното здравје кај децата, адолесцентите и младите се реални и широко распространети. Дури и пред пандемијата, алармантен број млади луѓе се бореле со чувства на беспомошност, депресија и мисли за самоубиство – а стапките се зголемиле во текот на изминатата деценија“, рече Марти.

Помеѓу 2007 и 2018 година, стапките на самоубиства кај луѓето на возраст од 10 до 24 години во САД се зголемија за 57%, соопштија од U.S. Department of Health and Human Services. Проценките покажаа над 6.600 самоубиства кај оваа возрасна група во 2020 година. (WebMD)