Бремените жени треба да го ограничат внесот на шеќер за да го заштитат менталното здравје на своите деца, предупредуваат експертите.
Ново истражување покажува дека „бејби-бумерите“, родени во периодот кога по Втората светска војна во Велика Британија сè уште важеле ограничувањата за шеќер, подоцна во животот поретко страдале од анксиозност и депресија.
Лицата зачнати пред укинувањето на ограничувањата за шеќер во 1953 година имале до 25 проценти помал ризик да бидат дијагностицирани со овие состојби во подоцнежниот живот.
Резултатите од студијата, објавена во списанието General Psychiatry, ги поткрепуваат неодамнешните докази кои укажуваат на поврзаност помеѓу внесот на шеќер за време на бременоста и развојот на мозокот кај детето
Експертите за јавно здравје сметаат дека Националната здравствена служба на Обединетото Кралство (NHS) треба да воведе построги препораки за внесот на шеќер кај бремените жени.
Резултатите од студијата, објавена во списанието General Psychiatry, ги поткрепуваат неодамнешните докази кои укажуваат на поврзаност помеѓу внесот на шеќер за време на бременоста и развојот на мозокот кај детето.
Според актуелните препораки на NHS, децата на возраст од една година можат да внесуваат најмногу 10 грама шеќер дневно, што е приближно еднакво на две и пол коцки шеќер
Во студијата се наведува: „Ограничувањето на внесот на шеќер во првите 1.000 дена од зачнувањето има клучна улога за менталното здравје подоцна во животот. Идните насоки и политики за јавно здравје треба да разгледаат вклучување препораки за намалување на внесот на шеќер кај бремените жени и малите деца.“
Шеќерот бил една од последните намирници што повторно станале слободно достапни по завршувањето на Втората светска војна. По укинувањето на ограничувањата, потрошувачката на шеќер се зголемила за 71 процент.
Според актуелните препораки на NHS, децата на возраст од една година можат да внесуваат најмногу 10 грама шеќер дневно, што е приближно еднакво на две и пол коцки шеќер.
Диететичарката Сара Шенкер, авторка на книгата My Sugar Free Baby And Me, ја поддржа иницијативата за воведување нови препорачани граници за внес на шеќер. „Ова истражување многу убедливо покажува дека шеќерот не е штетен само за забите и телесната тежина, туку може да има негативно влијание и врз менталното здравје“, изјави таа за Дејли мејл.
