ПИШУВА:
Д-р сци. Александар Сајковски
специјалист педијатар неонатолог
♦♦♦♦♦♦♦
Иако започна пролетта и денови кои најавуваат убаво време и часови поминати на децата во паркови, во игра и дружење, сепак, ни се случува нешто сосема спротивно од она што се чекаше. Новонастанатата состојба со корона пандемијата во светски размери бара одбрана што подразбира помалку комуникација, помалку престој надвор од дома, максимално користење на хигиената и дезинфекцијата на рацете. Впрочем, навистина тоа е и единствен начин да се избориме со оваа пандемија која ни донесе нови предизвици. Но, ова наметнува од една страна промена во приодот кон негата и комуникацијата со децата, а од друга страна и многу повеќе време на родителите за добивање на нови информации како за себе така и за нивните деца врзано за нивниот раст и развој, исхрана, давање на суплементи и низа други информации, особено преку интернет порталите. Посебен аспект се информациите за потребите на децата во првите три години.
Но, она за кое сигурно нема да влезете во дилема е сентенцата „Добро утро Dr Leo baby ДХА омега“, со кое ќе му го почнете утрото на вашето дете. Зошто?
Имено според препораките на Европската агенција за безбедност при исхрана (ЕФСА) секојдневно во првите три години е потребен внес на 100 мг ДХА. Затоа, за недоволниот внес на Омега-3 масни киселини да не прерасне во „СКОРБУТ НА НАШЕТО ВРЕМЕ“ неопходно е сериозно да се модифицира количината на консумирање на овие важни масни киселини по пат на зголемен внес со храна или нивна суплементација. Според проф. д-р. Walter Schulz од Универзитетот во Келн: „суплементацијата на Омега – 3 масните киселини е една од најголемите медицински иновации во последните 20 години!“
Зошто Вие заедно со вашето дете треба да кажете „Добро утро Dr Leo baby ДХА омега“? Пред се, поради тоа што ДХА е главна структурна маст во мозокот, нервните клетки и ретината на окото. Притоа, 60% од структурата на мозокот го чинат масти, а 25% од нив е ДХА. ДХА чини 30% од структурните масти во сивата маса на мозокот. Во комплетната структура конечно оваа масна киселина достига до 97% од омега-3 мастите во мозокот и до 93% од омега-3 мастите во ретината. На раѓање новородено дете има 200 милијарди нервни клетки наречени неврони. Мозокот расте 1.7 грама на ден во тек на првата година од животот, а 60% од енергетскиот внес од храната бебињата го трошат за раст на мозокот.
Ако кој било родител има дилема за тоа што му е потребно на неговото дете во тек на првите три години за нормален развој треба да знае дека тоа се квалитетна исхрана, емотивна комуникација со родителите и суплементација со ДХА И ВИТАМИН Д
Бебето се раѓа со средна тежина на мозокот од 400 грама, а продолжува да расте дополнителни 175% за време на првата година од животот, и нови 18% за време на втората година. Овој раст е фасцинантен и феноменален, за што се потребни масти односно ДХА. Nelson од Центарот за развој на децата од Харвард универзитетот, објавува студија и анализа во која се покажува дека во првите години од животот формирањето на синапсите зависи од рана експресија и внесување на омега-масни киселини и дека секоја секунда во овој дел од животот се формираат по 700 нови синаптички врски.
Досега објавените клинички студии за улогата на ДХА во PubMed, а ги има преку 24.000 релевантни клинички студии, покажуваат дека не само што нивната суплементација обезбедува квалитетен раст на мозокот на бебето, туку и се неопходни за превенција на ретинопатијата кај прематурни новородени деца, како и намалување на макуларната дегенерација кај возрасните луѓе која е инаку водечка причина за трајно оштетување на окото и појава на слепило. Докажано е дека омега-3 суплементите може да ги намалат симптомите на АДХД.
Квалитетната и здрава исхрана и суплементацијата со ДХА води до добро расположение, се зголемува способноста за развој на подобро внимание и се подобрува меморијата
Дека, кај деца со развојни растројства на координацијата – диспраксија, дефицит во моторни функции, проблеми со учење и однесување, спелување, и заостанување во когнитивните функции, со суплементацијата со ДХА се постига 6-месечен „catch up“ во когнитивните функции и бихевиоралните карактеристики. Дури и адекватното внесување на ДХА ги подобрува когнитивните функции и академските достигнувања кај адолесценти.
Затоа кажете заедно со вашето дете секое утро „Добро утро Dr Leo baby ДХА омега“. Суплементацијата на ДХА преку т.н. „twist-off“ капсули кои се отвораат со вртење обезбедуваат прецизно дозирање. Растителните ДХА по потекло од алги ќе биде оптимална и неопходна, пред се, за нормален раст и развој на мозокот и стимулација на менталните процеси и психомоторниот развој на вашето дете. Студиите дури докажале кај прематурни новородени особено кај женски прематуруси дека се добиваат подобри резултати на невропсихолошки тестови за 5 поени и 80% редукција на бројот на деца со ментален дефицит. Употребата на овие „twist-off“ капсули на ДХА по потекло од алги ги подржува нормалните когнитивни функции.
Ако кој било родител има дилема за тоа што му е потребно на неговото дете во тек на првите три години за нормален развој треба да знае дека тоа се квалитетна исхрана, емотивна комуникација со родителите и суплементација со ДХА и витамин Д. Квалитетната и здрава исхрана и суплементацијата со ДХА води до добро расположение, се зголемува способноста за развој на подобро внимание и се подобрува меморијата. Љубовта и конзистентната нега на бебињата носи продолжено задоволство, развој на позитивна личност која има способности да ги решава проблемите и има емпатија кон другите.
