Преминот од бременост во родителство е огромна животна промена — како физички, така и емоционално. Во текот на првите неколку дена од животот на вашето бебе, нормално е да доживувате емоционални подеми и падови, состојба која во народот е позната како „постпородилна тага“ (baby blues).
При ваквата состојба, во една минута може да се чувствувате среќни, а веќе во следната да бидете расплакани или преоптоварени со безброј мисли. Може да се фатите себеси како се чувствувате лути, тажни, раздразливи или обесхрабрени. Тоа што се чувствувате вака воопшто не значи дека сте „лош“ родител или дека не го сакате вашето бебе.
Се верува дека овие промени во расположението се предизвикани од хормоналните промени што се случуваат во телото на жената по породувањето. Нивото на естроген и прогестерон, кои се неопходни за време на бременоста, нагло опаѓа, што предизвикува флуктуации во расположението. Други фактори — како што се исцрпеноста и недостатокот на сон — можат дополнително да ги засилат овие чувства.
За среќа, постпородилната тага обично трае само неколку дена или недели и најчесто поминува сама по себе, без потреба од медицински третман.
Доколку постпородилната тага трае подолго од една или две недели, или доколку симптомите станат потешки, разговарајте со вашиот лекар за да утврдите дали можеби се работи за постпородилна депресија
Што може да направите за да се чувствувате подобро?
Доколку се соочувате со постпородилна тага, обидете се да се грижите за себе колку што е можно повеќе. Хранете се здраво и одморајте се секогаш кога можете, особено затоа што премореноста и непроспиените ноќи можат дополнително да го поттикнат и засилат чувството на тага.
Овие промени во расположението се предизвикани од хормоналните промени што се случуваат во телото на жената по породувањето. Нивото на естроген и прогестерон, кои се неопходни за време на бременоста, нагло опаѓа, што предизвикува флуктуации во расположението. Други фактори — како што се исцрпеноста и недостатокот на сон — можат дополнително да ги засилат овие чувства
Еве уште неколку работи што можат да ви помогнат да се чувствувате подобро:
- Прифатете помош, особено во првите денови и недели по породувањето.
- Дозволете им на семејството и пријателите да ви помогнат со секојдневните обврски, купувањето намирници, домашните работи или грижата за детето.
- Нека зготви некој друг оброк или нека го почува бебето додека вие се релаксирате со туширање, бања или кратка дремка.
- Обезбедете си доволно одмор и јадете хранливи намирници.
- Разговарајте со блиските или со други нови мајки кои можат да ви дадат поддршка и да ве потсетат дека не сте сами.
Важна напомена: Доколку постпородилната тага трае подолго од една или две недели, или доколку симптомите станат потешки, разговарајте со вашиот лекар за да утврдите дали можеби се работи за постпородилна депресија.
