Најчувствителни се најмалите, односно децата до четири години. Тоа се најчесто деца кои одат во градинка. Причина за појава на бронхитис често може да биде чадот, смогот, но инфекцијата може да биде и вирусна.
Како се лекува бронхитисот?
Доколку не станува збор за потешка форма, бронхитисот најчесто се третира симптоматски, со доволно течности, одмор и мерки за олеснување на симптомите. Лекарите нема да препишат антибиотици за бронхитис предизвикан од вирус. Антибиотиците делуваат само против бактерии, а не против вируси. Домашната нега ќе им помогне на повеќето деца со бронхитис да се чувствуваат подобро. Лекарот може да препорача детето:
- да пие доволно течности;
- да се одмора доволно.
Акутниот бронхитис се појавува нагло и може да предизвика изразени симптоми, но обично не трае подолго од неколку недели. Повеќето случаи на бронхитис се предизвикани од вируси
Кај некои постари деца или тинејџери, лекарите може да препишат лек против кашлица, без рецепт или на рецепт, за да се олесни кашлањето. Понекогаш се препорачуваат и лекови што се користат за лекување на астма. Тие помагаат да се опуштат и отворат бронхиите и да се исчисти слузта, со што се олеснува дишењето. Децата обично ги користат овие лекови преку инхалатор. Треба да се има предвид дека тие не се потребни кај секое дете со бронхитис и треба да се користат само по препорака на лекар.
Дете или тинејџер со хроничен бронхитис треба да избегнува изложеност на надразнувачите на бронхиите. Чадот од тутун е причина за повеќе од 80 отсто од случаите на хроничен бронхитис.
Што е бронхитис?
Бронхитисот претставува воспаление на големите дишни патишта – бронхиите, што доведува до зголемено создавање слуз и други промени. Бронхиите го поврзуваат душникот со белите дробови. Нивната чувствителна внатрешна обвивка создава слуз која ги обложува и штити органите и ткивата вклучени во дишењето.
Какви видови бронхитис постојат?
Бронхитисот може да биде акутен или хроничен.
Акутниот бронхитис се појавува нагло и може да предизвика изразени симптоми, но обично не трае подолго од неколку недели. Повеќето случаи на бронхитис се предизвикани од вируси. Различни вируси можат да го заразат респираторниот тракт и да ги нападнат бронхиите. Инфекцијата предизвикана од одредени бактерии, исто така, може да доведе до акутен бронхитис. Повеќето луѓе во одреден период од животот ќе имаат акутен бронхитис.
Бронхитисот ги зафаќа бронхиите и почест е кај постарите деца и возрасните. Бронхиолитисот ги зафаќа бронхиолите, односно најмалите дишни патишта, и најчесто се јавува кај деца помлади од две години
Хроничниот бронхитис е редок кај децата. Може да биде благ до тежок и да трае подолго – од неколку месеци до неколку години. Најчеста причина за хроничен бронхитис е пушењето. Бронхиите остануваат воспалени и иритирани и со текот на времето создаваат голема количина слуз. Луѓето со хроничен бронхитис имаат поголем ризик од бактериски инфекции на дишните патишта и белите дробови, како што е пневмонијата.
Кои се знаците и симптомите на бронхитис?
Акутниот бронхитис често започнува со сува, надразнителна кашлица предизвикана од воспаление на внатрешната обвивка на бронхиите. Симптомите на бронхитисот обично траат од седум до 14 дена, но може да продолжат и три до четири недели.
Други симптоми може да бидат:
- кашлица со густа бела, жолта или зелена слуз;
- чувство на недостиг на воздух;
- болка или чувство на стегање во градите;
- свирење при дишењето;
- главоболка;
- општо чувство на слабост и непријатност;
- покачена телесна температура;
- треска.
Кај луѓето со хроничен бронхитис:
- може да биде потребно подолго време за да оздрават од настинки и други вообичаени респираторни инфекции;
- свирењето при дишењето, чувството на недостиг на воздух и кашлицата може да се појавуваат секојдневно;
- дишењето може постепено да станува сè потешко.
Што го предизвикува бронхитисот?
Акутниот бронхитис најчесто е предизвикан од вирус. Може да се појави заедно со настинка или друга респираторна инфекција, или по неа.
Вирусот може да се шири:
- кога лице со бронхитис кашла и исфрла заразени честички во воздухот;
- кога некој ќе ги допре устата, очите или носот по контакт со респираторни секрети од заразено лице.
Дали бронхитисот е исто што и бронхиолитисот?
Иако имињата звучат слично, станува збор за две различни заболувања, па лесно може да дојде до забуна. Бронхитисот ги зафаќа бронхиите и почест е кај постарите деца и возрасните. Бронхиолитисот ги зафаќа бронхиолите, односно најмалите дишни патишта, и најчесто се јавува кај деца помлади од две години.
Кога детето треба да оди на лекар?
Лекарски преглед е потребен ако детето има отежнато или забрзано дишење, ако му се вовлекува кожата меѓу или под ребрата при дишењето, ако усните или лицето добијат синкава боја, ако не внесува доволно течности или е невообичаено поспано и малаксано.
