Како родители, сите сакаме нашите деца да пораснат среќни, здрави и успешни. Фокусирани сме на таа цел, понекогаш толку многу што забораваме на други важни аспекти – како развојот на емоционалната интелигенција и емпатијата.
Но новите истражувања покажуваат дека токму емпатијата може да биде клучна за тоа децата во иднина да избегнат ризично однесување и да постигнат успех како возрасни личности.
Всушност, истражувањата нагласуваат колку е важно децата да се чувствуваат поддржани од своите родители за време на растењето.
Истражување на 4.000 деца
Во една студија спроведена на 4.000 деца на возраст од 12 до 17 години, истражувачите се обиделе да утврдат како родителската емпатија и емоционалната поддршка влијаат врз однесувањето на децата во пубертетот и тинејџерските години.
Резултатите покажале дека децата кои чувствуваат емпатија и поддршка од своите родители имаат значително помала веројатност да развијат ризично однесување или деликвенција.
Од друга страна, децата кои не се чувствуваат сакани, поддржани или емоционално згрижени имаат поголема веројатност да западнат во проблеми во периодот меѓу 13 и 19 години.
Влијанието на родителската топлина
Истражувањето покажало и дека родителската топлина, чувствителност и силната емоционална врска меѓу родител и дете позитивно влијаат врз социјалното однесување и развојот на емпатија кај децата.
Со други зборови – емпатичните родители почесто воспитуваат емпатични деца.
Децата кои растат во семејства со недостаток на емпатија, пак, имаат поголема склоност кон агресивно однесување, па дури и насилство подоцна во животот.
Зошто ова е важно?
Целта на ваквите истражувања е да им помогнат на родителите подобро да разберат колку е важен емоционалниот однос со детето и развојот на неговата емоционална интелигенција.
Добрата вест е дека учењето на децата на емпатија не е комплициран процес – и родителите можат да почнат во секој момент, преку секојдневна комуникација, внимание и разбирање.
