Бебе родено предвреме во градот Јазд во Иран, со родилна тежина од само 800 грама, го победи коронавирусот, пренесува агенцијата Анадолу.
„Новиот тип на коронавирус беше детектиран кај Амир Арсалан, кој се роди 40 дена порано“, рече д-р Махмуд Нури, заменик-ректор на Shahid Sadoughi University of Medical Sciences, додавајќи дека мајката на новороденчето имала КОВИД-19.
„Денеска бебето тежи 1200 грама… И бебето и мајката ја победија болеста“, изјави тој
Според глобалните здравствени стандарди, терминско бебе во моментот на раѓање тежи помеѓу 2,5 и 4,5 кг.
Во Иран, КОВИД-19 најпрво беше откриен во градот Ком на 19 февруари, а потоа се рашири низ целата земја. Најмалку 5.710 луѓе починаа, додека над 90.000 се заразени досега.
Властите во фази од 11 април дозволија повторно отворање на бизнисите, кои беа затворени како дел од мерките за забавување на ширењето на вирусот.
