Феромоните на мајката ја подобруваат синхорнизацијата помеѓу мозокот на бебето и мајката, сугерирајќи ја нивната улога во развојот на ‘социјалниот инстикт’ на бебето, отворајќи врата на нови тераписки стратегии за развојни нарушувања.
Ова е наод на новата студија на Гијом Думас, професор по медицина на Универзитетот во Монтреал и научник кој раководи со истражувачки центар во детска болница.
СМИРУВАЧКИ МИРИСИ
Мирисите на телото на мајката се важни сигнали за детското чувство на безбедност, но нивната улога во општественото созревање на човечкиот мозок е главно непозната.
“Користејќи снимки од активноста на мозокот, го проучувавме ефектот на феромоните на мајката на општествени интеракции на бебето со нивните мајки, а потоа и со непознати возрасни лица со или без мирис на мајчиното тело“, вели проф. Думас.
“Интеракцијата на мајката со детето резултираше со значајна синхронизација помеѓу два мозока – повеќе од онаа помеѓу странец и бебе“, додава тој.
Меѓутоа, потенцира проф. Думас “покажавме дека присуството на феромоните на мајката може да ја зголеми оваа синхронизација во случаи на странец и бебе, дури и кога мајката е отсутна“.
НОВИ ТЕРАПИСКИ СТРАТЕГИИ
“Нашите резултати потврдуваат дека интер-церебралните механизми се поврзани со развојот на социјалниот мозок на детето и дека мајчинските феромони може да го пренесат овој незрел социјален инстикт од врската со мајката и детето во дури општествени контексти, така отворајќи пат кон нови неврохемиски интервенции во развојот, како нарушувања со социјални оштетувања како што е аутизмот“, вели проф. Думас.
