Сте спакувале крем за сончање, пешкири, очила и ужинки. Децата се подготвени да влезат во вода. Но, пред да почнат да се прскаат и да си играат, обрнете внимание и на бојата на нивниот костим за капење. Имено, боите на костимите можат да изгледаат многу поинаку под вода отколку надвор од неа, а тоа може да влијае врз безбедноста на детето во и околу водата. Костимот во боја што лесно се забележува е важен дел од безбедноста при пливање.
Педијатарот д-р Ричард Со од клиниката Кливленд вели дека добрата видливост може да биде уште еден корисен визуелен знак кога детето се спушта по тобоган, си игра во преполн базен или се забавува на плажа.
Кои бои на костими за капење се најбезбедни за децата?
Некои бои јасно се истакнуваат во базените и отворените води, како што се езерата и морето, што им олеснува на возрасните да ги следат децата со поглед. Другите бои можат брзо да станат тешко забележливи под површината, особено кога има отсјај од сонцето, движење или поголема длабочина. Тоа може да го отежни брзото забележување на детето доколку се најде под вода.
Иако 1980-тите одамна поминаа, впечатливите неонски зелена, жолта, розова и портокалова боја и денес се одличен избор кога станува збор за видливоста на децата во базен или на плажа. Овие светли бои тешко се пропуштаат од вид. Тие создаваат појасен визуелен контраст со водата, дното на базенот и отсјајот од сончевата светлина, што може да ви помогне полесно да го следите детето додека плива и си игра
„Светлиот костим за капење може да ви помогне полесно да го забележите детето во вода“, вели д-р Со. „Тоа е особено корисно кога има многу визуелни дразби – гужва, бранови, отсјај од сонцето, тобогани или други деца што се движат во водата.“
Бои што лесно се забележуваат
Иако 1980-тите одамна поминаа, впечатливите неонски зелена, жолта, розова и портокалова боја и денес се одличен избор кога станува збор за видливоста на децата во базен или на плажа. Овие светли бои тешко се пропуштаат од вид. Тие создаваат појасен визуелен контраст со водата, дното на базенот и отсјајот од сончевата светлина, што може да ви помогне полесно да го следите детето додека плива и си игра.
„Колку средината е поголема, има повеќе гужва или е потешка за контролирање, толку повеќе препорачувам бои што лесно се забележуваат“, вели д-р Со. „Ако сте на плажа, на брод или пливате во отворена вода, флуоресцентните бои обично најмногу се истакнуваат.“
Но, што ако детето не сака да носи костим што сте го избрале затоа што бојата му е премногу впечатлива? Не грижете се. Можете да му понудите неколку костими во бои што лесно се забележуваат и да му дозволите само да го избере оној што најмногу му се допаѓа. Костим со омилен лик или мал дезен може дополнително да го привлече детето, доколку основната боја е доволно светла и лесно се забележува.
„Ако детето има цврст став за тоа што сака да носи, а повеќето деца имаат – не мора купувањето костим за капење да го претворите во лекција за безбедност“, додава д-р Со. „Изберете неколку флуоресцентни модели, а потоа дозволете му на детето да го избере оној што најмногу му се допаѓа. Така размислувате за видливоста, но му давате и можност да учествува во изборот.“
Неутралните бои и нивните недостатоци
Иако црната, темносината и другите темни нијанси можат да изгледаат убаво надвор од водата, тие може да бидат потешки за забележување кога детето ќе се најде под површината. Во базените овие бои можат да се изгубат во сенките или да се изедначат со темното дно. Во езерата, морето и другите отворени води, може да се стопат со бојата на водата. И белите костими за капење може да бидат потешки за забележување бидејќи можат да личат на одблесокот на сончевата светлина на површината на водата.
„Обидете се да избегнувате бои што се вклопуваат со водата или со околината“, советува д-р Со. „Сината, зелената, црната и другите потемни нијанси можат да создадат ефект на камуфлажа и да го отежнат забележувањето на детето.“
Еднобојни костими или костими со дезен?
Ако детето сака да носи еднобоен и светол костим за капење, тој обично најлесно се забележува. На окото му дава една впечатлива боја што може полесно да ја следи во водата. Сепак, во ред е костимот да има омилен лик на предната страна или мал дезен, доколку светлата основна боја и понатаму се истакнува.
Изборот на костим за капење што лесно се забележува е важен, но тој е само еден дел од безбедноста на децата во близина на вода. Најважно е детето внимателно да се надгледува и вниманието на возрасниот да не биде одвлечено од други активности. Целта е едноставна – детето секогаш да биде во видното поле, без оглед на местото каде што плива
Големите темни дезени можат визуелно да ја „разбијат“ светлата боја и да го направат костимот потежок за следење. Кога избирате меѓу неколку модели, погледнете ги од неколку чекори оддалеченост. Ако прво ја забележите бојата, тоа е подобар избор за видливост, вели д-р Со.
Бојата на костимот е само еден дел од безбедноста во вода
Изборот на костим за капење што лесно се забележува е важен, но тој е само еден дел од безбедноста на децата во близина на вода. Најважно е детето внимателно да се надгледува и вниманието на возрасниот да не биде одвлечено од други активности. Целта е едноставна – детето секогаш да биде во видното поле, без оглед на местото каде што плива.
На прометни места како јавни базени, водни паркови, одморалишта, плажи и езера, костимот во впечатлива боја може да ви даде уште еден визуелен знак што ќе ви помогне да го следите детето. Светлите бои можат да бидат особено корисни и за децата на кои им е потребен дополнителен надзор или кои имаат тенденција да се оддалечуваат во преполни јавни простори.
Д-р Со забележува дека бојата на костимот може да биде помалку важна во мал домашен базен, каде што возрасните внимателно го надгледуваат детето. Во таков случај, можеби е подобро да му дозволите на детето да го носи костимот што најмногу му се допаѓа. Но, во поголеми и попрометни места за капење, како и во близина на отворени води, изборот на боја што се истакнува од околината може да помогне детето побрзо да го забележите, без разлика дали е во или надвор од водата.
„Гледајте на бојата на костимот како на уште еден слој на заштита, но не и како замена за внимателното надгледување на децата во близина на вода“, советува д-р Со. „Часовите по пливање, елеците за спасување одобрени од американската крајбрежна стража и другите мерки за безбедност во вода се исто така важни.“
