Жешките летни денови можат да бидат особено тешки за бебињата, кои се почувствителни на високите температури и побрзо можат да дехидрираат или да се прегреат. Во период кога Македонија се соочува со високи температури и топлотни бранови, родителите треба да посветат особено внимание на тоа каде и кога престојува бебето, како е облечено, колку течности внесува и какви се условите во просторијата во која престојува.
Со малку планирање – избегнување на најтоплиот дел од денот, одржување на пријатна температура во домот, соодветна облека и внимателно следење на знаците на прегревање – може значително да се намали ризикот по здравјето на бебето. Еве што е важно да знаат родителите во периодите на големи горештини.
Лесна облека
Памучно или бамбусово боди со кратки ракави е доволен „основен слој“ кога температурата во домот е до 26 °C. Ако е потопло, соблечете го и бодито. За надвор избирајте лесни памучни фустанчиња или широки комбинезони во светли бои. Шапка со широк обод ги штити лицето и вратот од сонцето.
Почесто доење или хранење со шише
Доењето е најдобар начин за задоволување на жедта кај доенчето – нудете му ја дојката почесто, можеби пократко, но повеќепати во текот на денот. Кај бебе кое се храни со адаптирано млеко, потребата за дополнителна течност треба да се процени според возраста и советот од педијатар. Не давајте вода на многу мало бебе без претходна консултација со здравствен работник.
Раното утро и доцното попладне или вечерта се најсоодветни за прошетка во топлите денови, кога температурите и сончевото зрачење се пониски. Ако користите количка, не ја покривајте со дебела крпа или пелена, бидејќи тоа може да ја попречи циркулацијата на воздухот и значително да ја зголеми температурата во количката. Користете соодветна мрежа против инсекти
Разладете го просторот
Вентилаторот поставете го така што воздухот да струи над бебето, а не директно кон него. Навечер може да помогне проветрување кога надворешната температура е пониска. Важно е просторијата да не биде премногу топла, но ниту премногу разладена. Идеалната температура во собата е 22–24 °C.
Прошетка во вистинско време
Раното утро и доцното попладне или вечерта се најсоодветни за прошетка во топлите денови, кога температурите и сончевото зрачење се пониски. Ако користите количка, не ја покривајте со дебела крпа или пелена, бидејќи тоа може да ја попречи циркулацијата на воздухот и значително да ја зголеми температурата во количката. Користете соодветна мрежа против инсекти.
При носење во носилка, внимавајте бебето да не биде премногу облечено и да има доволно простор за слободно дишење.
Мали освежувања
Млака, но кратка туш-бања или купка може да ја освежи кожата и да помогне бебето полесно да ја поднесе топлината. Во текот на денот може да помогне и влажна памучна крпа на тилот и во наборите на рацете, додека нежното навлажнување на стапалата може дополнително да го освежи бебето. Избегнувајте многу студена вода, бидејќи наглото разладување не е потребно.
Заштита од сонце
Бебињата, особено оние помлади од шест месеци, треба првенствено да се заштитат од директно изложување на сонце со сенка, соодветна облека и шапка.
Кај постарите бебиња, за изложените делови од кожата може да се користи соодветен препарат за заштита од сонце, според возраста и упатството на производителот. Сепак, кремот за сончање не треба да биде замена за сенка и заштитна облека.
Жешка и испотена кожа, необично плачење, изразена поспаност, забрзано дишење или помалку мокри пелени може да укажуваат на дехидратација или топлотен удар. Во таков случај, веднаш преместете го бебето на ладно место, разладете го и побарајте медицинска помош, особено ако состојбата не се подобрува
Внимателно во автомобил
Автомобилот изложен на сонце може многу брзо да се претвори во „печка“. Пред да го ставите детето во автомобилот, прво разладете ја внатрешноста, оставете ги вратите отворени кратко време и вклучете ја климатизацијата за да излезе врелиот воздух.
Никогаш не го оставајте детето само во автомобил, дури ни за една минута!
ПРЕПОЗНАЈТЕ ГИ ЗНАЦИТЕ НА ПРЕГРЕВАЊЕ
Жешка и испотена кожа, необично плачење, изразена поспаност, забрзано дишење или помалку мокри пелени може да укажуваат на дехидратација или топлотен удар. Во таков случај, веднаш преместете го бебето на ладно место, разладете го и побарајте медицинска помош, особено ако состојбата не се подобрува.
Со малку планирање – порано станување, избегнување на најтоплиот дел од денот, затемнета и пријатна просторија за дневен одмор и кратко разладување со млака бања – топлите денови може да се поминат полесно и без непотребен стрес. Најважно е да ги следите сигналите што ви ги испраќа бебето. Ако му е пријатно, ако е суво и задоволно, најверојатно сте одбрале добра стратегија.
