Бременоста сама по себе носи бројни физички предизвици – болки во грбот, чувствителни гради, честа потреба за мокрење и немирен сон. Кога на сето тоа ќе се додадат летните горештини и високата влажност на воздухот, непријатноста може уште повеќе да се зголеми.
„Бремените жени се почувствителни на топлина“, вели д-р Дејна Госет, раководител на Одделот за акушерство и гинекологија на Медицинскиот факултет „Фајнберг“ при Универзитетот Нортвестерн. Причина за тоа се зголемената телесна температура и дополнителната телесна тежина што ја носи бременоста.
Кога и да имате можност, подигнете ги нозете за да го намалите отокот на стапалата и глуждовите. Овој оток делумно се должи на тоа што зголемената матка врши притисок врз вените на нозете и ја забавува циркулацијата на крвта. Задржувањето течности, исто така, придонесува за појава на отоци
За полесно да ги поднесете жешките денови, искористете ја удобноста што ја нуди трудничката облека. Носете широки, лесни летни фустани и облека изработена од памук и други природни, материјали што дишат. Изберете удобни сандали или платнени чевли што им овозможуваат на стапалата да „дишат“, но истовремено обезбедуваат добра потпора и амортизација.
Кога и да имате можност, подигнете ги нозете за да го намалите отокот на стапалата и глуждовите. Овој оток делумно се должи на тоа што зголемената матка врши притисок врз вените на нозете и ја забавува циркулацијата на крвта. Задржувањето течности, исто така, придонесува за појава на отоци.
Д-р Госет препорачува да внесувате повеќе течности, особено вода. Дополнителната хидратација помага да се исфрли вишокот сол од организмот, која може да го влоши отокот, а истовремено го намалува ризикот од дехидратација во топлото време. Доволниот внес на течности може да помогне и во спречување на уринарни инфекции, кои се почести во бременоста бидејќи уринарниот тракт се проширува, што им овозможува на бактериите полесно да навлезат.
За полесно да ги поднесете жешките денови, искористете ја удобноста што ја нуди трудничката облека. Носете широки, лесни летни фустани и облека изработена од памук и други природни, материјали што дишат. Изберете удобни сандали или платнени чевли што им овозможуваат на стапалата да „дишат“, но истовремено обезбедуваат добра потпора и амортизација
Физичката активност, исто така, помага во намалување на отокот на стапалата и глуждовите. „Кога пешачите, трчате или вежбате, мускулите на нозете се стегаат и ја поттикнуваат течноста да се врати таму каде што треба“, објаснува Госет. Пливањето е една од најдобрите физички активности за време на бременоста. Освен што пријатно разладува, престојот во вода значително го намалува притисокот врз колковите, долниот дел од грбот и зглобовите. Можете да пливате онолку колку што ви е пријатно, но избегнувајте поризични спортови на вода, како што е нуркањето со боци. Промените во притисокот можат да го изложат бебето на ризик од декомпресиска болест – сериозна состојба при која се создаваат меурчиња од гас во крвотокот и ткивата.
Без разлика каква активност практикувате на отворено, секогаш нанесувајте крем за сончање со заштитен фактор (SPF) 30 или повисок. Вашата кожа и понатаму е подложна на изгореници од сонце, а изложеноста на УВ-зраци може дополнително да ја влоши мелазмата – темните дамки на лицето кои често се појавуваат во бременоста и се познати како „маска на бременоста“. Доколку имате мелазма, носете шешир со широк обод и очила за сонце со УВ-заштита.
Во летниот период заштитете се и од убоди од инсекти. Најголем ризик за бремените жени претставува вирусот зика, кој се пренесува преку комарците и е поврзан со зголемен ризик од микроцефалија – сериозна вродена аномалија кај бебето при која мозокот и главата не се развиваат нормално.
Поради овој сериозен ризик, д-р Госет нагласува дека бремените жени не треба да патуваат во области каде што е регистрирано ширење на вирусот зика. Доколку вашиот партнер патувал на Карибите, во Мексико, Централна Америка или во други региони каде што вирусот циркулира, се препорачува користење кондоми до крајот на бременоста, бидејќи мажите можат да го пренесат вирусот на својата партнерка преку сексуален однос. (WebMD)
