Првите денови со новороденчето носат безброј изненадувања – од необични звуци и движења до промени на кожата, столицата и телото. Иако дел од нив можат да изгледаат загрижувачки, најчесто станува збор за сосема нормални појави поврзани со прилагодувањето на бебето на животот надвор од матката, кои се дел од неговиот нормален развој и најчесто се безопасни.
Теменица
Сувите наслаги на кожата на главата, познати како теменица (себороичен дерматитис), се многу честа појава кај бебињата. Тие можат да бидат со различна дебелина и боја – од жолтеникава до бела. Иако понекогаш ги загрижуваат родителите, најчесто исчезнуваат во текот на првите неколку месеци. За нивно отстранување, на главата на бебето може да се нанесе благо масло и да се остави да делува неколку часа или преку ноќ. Постапката може да се повтори по потреба, а се препорачува и редовно, нежно чешлање на темето на бебето.
„Експлозивна“ столица
Столицата кај бебињата по текстура се разликува од онаа кај возрасните – таа е поретка и може да наликува на пудинг. Бојата зависи од исхраната и може да варира од жолта и зелена до кафеава. Понекогаш празнењето на цревата може да биде толку нагло и обилно што содржината ќе заврши надвор од пелената. Иако може да создаде неред, и ова е нормален дел од развојот на дигестивниот систем на бебето.
Додека минува низ породилниот канал, нежната и сè уште мека глава на новороденчето може привремено да се деформира или да изгледа малку сплескано. Затоа, по раѓањето главата на бебето може да изгледа издолжена, сплескана или со необична форма. Тоа најчесто е привремено и постепено се коригира
Стенкање, ’рчење и други звуци
Родителите често очекуваат бебето или да плаче или да биде тивко, но новороденчињата произведуваат цела низа звуци, вклучувајќи стенкање, мрморење, гргорење, па дури и ’рчење. Експертите тоа го објаснуваат со тесните носни патишта во кои може да се задржува слуз. Доколку звуците станат невообичаено изразени, добро е да се консултирате со лекар, кој може да препорача употреба на назален аспиратор.
Често кивање
Имунолошкиот систем на новороденчето сè уште се развива, а чувствителноста на целосно новата околина го прави повременото кивање нормална појава. Тоа е природна реакција на дишните патишта. Причина за внимание постои доколку кивањето е многу често и е проследено со други симптоми кои можат да укажуваат на настинка.
Рефлексно движење на рацете и нозете
Наглото движење на рацете и нозете е вообичаено во првите месеци, додека бебето минува низ интензивни развојни фази. Станува збор за таканаречениот Моров рефлекс – природна реакција на ненадејни дразби од околината, како што се бучава, ненадеен допир или подигнување. Со овие несвесни движења бебето инстинктивно реагира на ненадејниот надразнувач.
Отечени гениталии и гради
Кај новороденчињата од двата пола, непосредно по раѓањето, може да се појават отечени гениталии или благо зголемени гради. Оваа појава е последица на изложеноста на мајчините хормони за време на бременоста и вообичаено брзо се повлекува по раѓањето.
Необична форма на главата
Породувањето е напорен процес, не само за мајката туку и за бебето. Додека минува низ породилниот канал, нежната и сè уште мека глава на новороденчето може привремено да се деформира или да изгледа малку сплескано. Затоа, по раѓањето главата на бебето може да изгледа издолжена, сплескана или со необична форма. Тоа најчесто е привремено и постепено се коригира.
Дури и најмала трага од крв во пелената на бебето може многу да ги исплаши новите родители. Сепак, тоа не значи секогаш дека постои сериозен проблем. Постојат повеќе можни причини, а дел од нив се привремени. Кај новородено девојче, на пример, може да се појави мало крвавење како последица на изложеноста на мајчините хормони во матката
Сплескани места на главата може да се појават и подоцна, доколку бебето поминува многу време лежејќи во иста положба. За да се намали притисокот врз едно исто место, почесто држете го бебето во раце, а кога е будно и под надзор, практикувајте време на стомаче („tummy time“). Добро е и повремено да ја менувате положбата на играчките, за бебето да не ја врти главата постојано на истата страна.
Крв во пелената
Дури и најмала трага од крв во пелената на бебето може многу да ги исплаши новите родители. Сепак, тоа не секогаш значи дека постои сериозен проблем. Постојат повеќе можни причини, а дел од нив се привремени. Кај новородено девојче, на пример, може да се појави мало крвавење како последица на изложеноста на мајчините хормони во матката. Таканаречената „мини-менструација“ може да се појави во првите денови по раѓањето поради наглото намалување на нивото на естрогенот и најчесто брзо престанува.
Крв во пелената може да се појави и поради мала повреда околу анусот при тврда столица, а кај машките бебиња може да има мала количина крв по обрежувањето. И иритацијата на кожата при силен пеленски осип може да предизвика појава на крв.
Иако причината често може да биде безопасна, секогаш кога ќе забележите крв во пелената на новороденчето, добро е да се консултирате со педијатар, особено ако не сте сигурни од каде потекнува крвта или ако се повторува.
Страбизам
Во првите месеци од животот, повременото „бегање“ на едното око кај бебето може да биде нормална појава. Видот сè уште се развива, а на бебето му е потребно време да воспостави добра контрола на очните мускули и правилно да фокусира.
Сепак, понекогаш очите само изгледаат како да се разидуваат, иако всушност се правилно поставени. Кај бебињата, поширокиот корен на носот и кожните набори околу очите можат да создадат впечаток дека едното око е свртено навнатре. Оваа оптичка илузија се нарекува псевдоезотропија.
