За првпат во Македонија е изведена хибрид операција кај бебе, тешко три килограми, со хипопластично лево срце, кое претставува најтешка срцева мана во детската возраст. Бебето во моментов се опоравува од интервенцијата и се стабилизира за главната интервенција која се прави неколку месеци од хибридната процедура.
Хибридната интервенција се изведува на тој начин што интервентно се аплицира стент на артериозниот дуктус, а по 48 часа се бендираат (стеснуваат) пулмоналните артерии што носат крв во белите дробови
Хибрид операцијата е изведена во клиничката болница „Жан Митрев“ од страна на д-р Владимир Чадиковски и д-р Жан Митрев, додека интервентниот кардиолошки дел беше доверен на д-р Вилма Ампова.
Хипопластично лево срце претставува вродена срцева мана кај која постои отсуство на целото лево срце, поточно постои недостаток на левата комора, левата преткомора и аортата.
Хибридната интервенција се изведува на тој начин што интервентно се аплицира стент на артериозниот дуктус, а по 48 часа се бендираат (стеснуваат) пулмоналните артерии што носат крв во белите дробови. Бебето во моментов се опоравува од интервенцијата и се стабилизира за главната интервенција која се прави неколку месеци од хибридната процедура.
