Потребно:
- 250 г бисквити
- 120 г путер
- 120 г шеќер во прав
- 50 г какао
- 1 јајце
- 2 лажици рум
- 80 г грубо мелени или сечкани ореви
- Шеќер во прав за посипување
Подготовка: Растопете го путерот на тивок оган и додадете го какаото. Тргнете од оган и оставете да се олади неколку минути. Додадете го шеќерот во прав, јајцето и румот и добро измешајте додека не добиете мазна смеса. Грубо издробете ги бисквитите. Додадете ги заедно со оревите во смесата од чоколадо и добро измешајте сè. Распоредете ја смесата на хартија за печење или проѕирна фолија и обликувајте ја во ролна. Завиткајте цврсто и ставете во фрижидер најмалку шест часа, или уште подобро преку ноќ. Пред сервирање, извалкајте ја саламата во шеќер во прав и исечете ја на парчиња. Добар апетит!
