Потребно:
За палачинките:
- 700 мл млеко
- 3 јајца
- 300 г брашно
- 2 лажици шеќер
- 1 кесичка ванилин шеќер
- Прстофат сол
- 40 г растопен путер
- Масло за печење по потреба
За филот:
- 500 мл слатка павлака
- 250 г маскарпоне
- 100 г шеќер во прав
- 1 лажичка екстракт од ванила
За декорација:
- 100 г јагоди
- 100 г малини
- 100 г боровинки
- 100 г капини
- Неколку свежи листови од нане
Подготовка: Изматете ги јајцата со шеќерот и ванилиниот шеќер, потоа додадете го млекото. Постепено додадете го брашното и прстофат сол, а на крај додадете го растопениот путер. Оставете ја смесата да отстои околу 20 минути, потоа испечете тенки палачинки и оставете ги целосно да се изладат. За филот, изматете ја слатката павлака, додадете го маскарпонето, шеќерот во прав и екстрактот од ванила и кратко мешајте додека не добиете мазна смеса. Ставете една палачинка на чинија, намачкајте тенок слој фил врз неа, а потоа покријте ја со друга. Повторете го процесот додека не ги потрошите сите палачинки и фил, а завршете со слој крем. Премачкајте ја тортата одозгора, декорирајте со свежи јагоди, малини, боровинки, капини и листови од нане. Ставете во фрижидер најмалку четири часа, по можност преку ноќ, за да се стегне убаво и полесно да се сече. Добар апетит!
