Потребно:
За сосот:
- 500 мл пире од домати
- 1 кромид
- 3 чешниња лук
- 2 лажици маслиново масло
- 8 листови свеж босилек
- Сол и бибер по вкус
Избор на зеленчук:
- 1 поголем модар патлиџан
- 2 тиквички
- 4 домати
- 3 лажици маслиново масло
- 2 чешниња лук
- 2 лажици свеж магдонос
- 1 лажица свеж босилек
- 1 лажичка мајчина душица
- Сол и бибер по вкус
Подготовка: Ситно исечкајте го кромидот и пржете го во маслиново масло додека не омекне. Додадетего ситно исечканиот лук, пржете кратко, потоа додадете ги пасираните домати. Додадете сол, бибер и гответе десет минути на тивок оган. Тргнете од шпоретот и додадете го исечканиот босилек. Намачкајте го дното од сад за печење со сосот. Измијте ги модриот патлиџан, тиквичките и доматите и исечете ги на многу тенки кругови со приближно иста дебелина. Наредете ги наизменично врз доматниот сос, така што прстените делумно ќе се преклопуваат. Измешајте маслиново масло, ситно сечкан лук, магдонос, босилек и мајчина душица. Зачинете со сол и црн пипер, а потоа прелијте ја оваа смеса рамномерно врз зеленчукот. Покријте го садот со алуминиумска фолија и печете околу 40 минути во рерна загреана на 190 °C. Потоа отстранете ја фолијата и печете уште 20 минути, додека зеленчукот не омекне и лесно не порумени. Сервирајте топло со свеж леб, како лесно главно јадење или прилог. Добар апетит!
