Потребно:
- 1 чаша ориз
- 3 чаши млеко
- 2 лажици шеќер или мед
- 1 ванилин шеќер или ½ лажичка екстракт од ванила
- Прстофат сол
За крушите:
- 2 средни круши
- 1 лажица путер
- 1 лажица мед
- ½ лажичка цимет
Подготовка: Прво исплакнете го оризот под млаз вода, а потоа ставете го во тенџере. Додадете го млекото и прстофат сол и гответе на тивок оган околу 20 до 25 минути, мешајќи повремено. Кога оризот ќе омекне, а смесата ќе стане густа и кремаста, додадете го шеќерот или медот и ванилата. Добро промешајте и тргнете од оган. Исечкајте ги крушите на коцки. Растопете го путерот во тенџере, додадете ги крушите, медот и циметот и варете на тивок оган околу пет до седум минути, додека овошјето не омекне и малку не карамелизира. Поделете го готовиот пудинг во чинии и додадете ги топлите круши одозгора. Сервирајте веднаш или оставете малку да се олади. Добар апетит!
