Потребно:
- 700 г тиквички
- 2 моркови
- 3 јајца
- 150 г фета или ситно сирење
- 100 г кашкавал
- 1 мала главица кромид
- 1 чешне лук
- 3 лажици презла
- 2 лажици маслиново масло
- 2 лажици свеж копар
- Сол и бибер по вкус
Подготовка: Тиквичките крупно изрендајте ги, малку посолете ги и оставете ги околу 10 минути. Потоа добро исцедете ги со раце од вишокот течност. Морковите изрендајте ги, а кромидот и лукот ситно исечкајте ги. Во поголем сад изматете ги јајцата, па додадете го издробеното сирење, исцедените тиквички, морковот, кромидот, лукот, презлата и сечканиот копар. Посолете и побиберете по вкус, па добро измешајте додека сите состојки не се соединат. Огноотпорен сад премачкајте го со маслиново масло и распоредете ја подготвената смеса. Израмнете ја површината и посипете со рендан кашкавал. Печете во загреана рерна на 190 °C околу 35–40 минути, додека зеленчукот не омекне, а површината не добие златна коричка. Оставете го прилогот да се излади околу 10 минути пред сечење, а потоа послужете го топол или ладен. Добар апетит!
