РОДИТЕЛСКИ ТРЕНДОВИ КОИ ЈА ОДБЕЛЕЖАА МИНАТАТА ДЕЦЕНИЈА: Што, покрај забавите за откривање на полот на детето, денес е стандард?

Колку родителски трендови сте прифатиле, а кои не се по ваша мерка?

За десет години се променија низа трендови, а тие не го заобиколуваат ниту родителството. Ова е листа на најинтересни родителски трендови кои ја одбележаа минатата деценија. Некои од нив пред 20 години не може ниту да се замислат, а денес се толку вкоренети во нашата култура, што имаме чувство дека се тука отсекогаш.

Забава за откривање на полот

Блогерката Џена Карвунидис во 2008 година одржа прва забава за откривање на полот на детето, на која пред пријателите и семејството откри дека носи девојче и тоа со торта со розов шлаг. Од тогаш, овие забави станаа исклучително популарни низ светот, а родителите вложуваат не мала сума на пари и време за подготовка на забава на која на најблиските ќе им се открие полот на нивното дете. Церемонијата главно се пренесува и на социјалните мрежи.

Родителски стилови

Дали избирате поддржувачко или авторитативно родителство. Дали сте родител хелокоптер? Во последната декада различни воспитни перспективи добија име и станаа родителски стилови. Овој тренд особено го популаризираа современите психолози и педагози, како и Инстаграм мајките.

Еко родителство

Родителство без парабени и фталати, без ГМО храна, одржливо и органско. Повеќе од кога било досега, родителите внимателно ги читаат состојките на сите производи кои доаѓаат во контакт со нивните деца. Пластиката се повеќе се заменува со одржливи материјали како бамбус и дрво, облеката е направена од органски памук, а посебно внимание се посветува на детската козметика.

Време на екрани

Има се повеќе написи и стручна литература кои се занимаваат со штетноста на времето поминато пред екрани кај децата. Истражувањата потврдија силно негативно влијание врз развојот на детскиот мозок и зголемената појава на дефицит на внимание кај децата кои поминуваат премногу време пред екраните. Сепак, повеќе од кога било досега, децата живеат со екрани, учат на нив, играат и комуницираат. Се чини дека ова е тема која ќе ја одбележи и следната деценија.

Деца на Инстаграм

Откако влезе во нашите животи во 2010 година, Инстаграм е полн со слики и видеа од бебиња и деца. Родителите почнуваат да ги презентираат своите деца на Инстаграм уште од првата ултразвучна слика, а продолжуваат со одбележување на месеците, родендените, првите чекори, насмевките на детето. Многу родители ги користат децата и за да заработат пари кога промовираат производи.

Искрено родителство

Социјалните мрежи им помогнаа на многу родители искрено да прозборат за тешкотиите на родителството и да добијат поддршка од онлајн заедницата. За родителството никогаш не се зборувало поискрено, а се повеќе мајки отворено ја покажуваат својата ранливост, телото по породувањет, лузните од породувањето и им испраќаат поддршка на другите.