СИГУРНИ СМЕ ДЕКА БАРЕМ ЕДНА ОД ОВИЕ РАБОТИ ВЕ ЗАГРИЖУВА: 5 стравови кои се најчести меѓу мајките

Секој родител стравува дека во одреден момент децата ќе ги преиспитаат работите и ќе донесуваат свои одлуки. Наша работа е да им покажеме кои се вистинските вредности, да ги научиме на добри и убави работи, и тоа ќе биде совршена основа за нивните подоцнежни одлуки.

Мајките чувствуваат некој посебен вид на одговорност, особено кога е во прашање благосостојбата на децата. Со самото тоа тие имаат најразлични стравови, кои не се обични и секојдневни, туку во најголем број случаи се ирационални.

Издвојуваме пет најчести стравови меѓу мајките.

  • Се плашиме дека сме лоши мајки

Некои мајки се плашат дека нема добро да делуваат на емоционалната страна на личноста на детето, некои мислат дека не можат добро да го подготват детето за реалниот свет. Под сите овие работи се наоѓа најголемиот страв – не сум добра мајка.

Можете да се борите против овој страв со тоа што ќе им покажете љубов на децата и ќе ги научите да бидат добри луѓе. Кога станува збор за обврските, поставете си реални очекувања. Треба да им ги дадеме на децата потребните алатки и сигурни сме дека секоја од нас го прави тоа одлично.

  • Се плашиме дека ќе се изгубиме себеси

Ова често им се случува на младите мајки, кога ќе влезат во “машината“ за менување пелени и пресоблекување. А каде сум тука јас – тоа е прашање што само се наметнува.

За да не се чувствувате вака, одвојте време за себе и уживајте во работите што ве прават среќни и во кои уживате без деца.

  • Се плашиме дека децата ќе донесат лоши одлуки

Сите сакаме детето да ја најде вистинската личност за брак, да има добра работа што ја сака, да го добие потребното образование, да биде среќно. Понекогаш ќе дојде време кога нема да можеме да направиме многу по тоа прашање. Наместо во страв, живејте во верба дека правите се што можете за да го наведете вашето дете кон добри животни избори. Кога ќе пораснат, ќе се сетат на се што сте ги научиле.

  • Се плашиме дека ќе ги напуштат вистинските вредности и вербата

Секој родител стравува дека во одреден момент децата ќе ги преиспитаат работите и ќе донесуваат свои одлуки. Наша работа е да им покажеме кои се вистинските вредности, да ги научиме на добри и убави работи, и тоа ќе биде совршена основа за нивните подоцнежни одлуки.

  • Се плашиме дека повеќе нема да им бидеме потребни на нашите деца

Сигурни сме дека секој родител ќе се плаши од ова во одреден момент. Овие стравови се многу ирационални и воопшто не се фер кон децата. Колку и да звучи болно, мора да разбереме дека во одреден момент нема да им бидеме потребно.

Имајте на ум дека така не ги губите од вашиот живот. Не решавајте ги нивните проблеми и дозволете им да бидат самостојни.