Студија: Карантинот лошо влијае врз обезните деца – стануваат уште подебели

Во споредба со ова време минатата година, децата јаделе еден дополнителен оброк и додале скоро пет часа поминато време пред екраните на ден, додека истовремено имале намалување на физичката активност за повеќе од два часа неделно

Американските истражувачи откриле дека дебелите деца во Италија јаделе повеќе нездрава храна и гледале повеќе ТВ на сметка на физичката активност за време на Ковид-19 мерките за социјално дистанцирање

♦♦♦♦♦♦♦

Седењето дома поради коронавирусот ја влошува дебелината кај децата како резултат на помалата физичка активност и полошата исхрана, вклучително и зголемениот внес на грицки, црвено месо и пијалаци со шеќер.

Американските истражувачи откриле дека дебелите деца во Италија јаделе повеќе нездрава храна и гледале повеќе ТВ на сметка на физичката активност за време на Ковид-19 мерките за социјално дистанцирање.

„Трагичната пандемија Ковид-19 има колатерални ефекти што се протегаат надвор од директната инфекција со вирусот“, вели професорот Мајлс Фајт, експерт за дебелина во детска возраст 

Во споредба со ова време минатата година, децата јаделе плус еден оброк и додале скоро пет часа време поминато пред екраните на ден, додека истовремено ја намалиле физичката активност за повеќе од два часа неделно.

Карантинот исто така го нарушил и ритамот на спиење кај децата со дебелина, овозможувајќи им да спијат во просек дополнително по половина час, известуваат истражувачите, пренесува „Дејли мејл“.

Дебелите деца кои обично се вклучени во програми за контрола на телесната тежина на училиште се соочуваат со нарушен распоред, што може да се одрази кога ќе бидат возрасни.

Децата поминуваат многу време пред екраните

Сепак, дебелите деца јаделе повеќе овошје и околу иста количина зеленчук споредено со периодот пред карантинот, сугерира студијата.

„Трагичната пандемија Ковид-19 има колатерални ефекти што се протегаат надвор од директната инфекција со вирусот“, рече професорот Мајлс Фајт, експерт за дебелина во детска возраст на Универзитетот во Бафало и коавтор на студијата, објавена во списанието „Obesity“.

„Децата и тинејџерите кои се борат со дебелината се наоѓаат во несреќна позиција на изолација што се чини дека создава неповолна околина за одржување на здрави животни однесувања.“

Децата и адолесцентите обично добиваат поголема тежина за време на летните одмори отколку во текот на учебната година затоа што имаат повеќе слободно време – што може да значи дека се помалку физички активни.

Експертите набљудувале 41 дебело дете во Верона, Италија во текот на март и април, а прашањата на истражувачите за учесниците во студијата биле фокусирани на физичката активност, времето пред екран, спиење, навики во исхраната и консумирање црвено месо, тестенини, ужина, овошје и зеленчук.