Националната здравствена служба (NHS) неодамна даде зелено светло за онлајн тест насочен кон дијагностицирање на АДХД кај децата, потег осмислен за да се реши проблемот со нерешени дијагнози. И покрај зголемениот број на дијагнози на АДХД, оваа состојба претежно се дијагностицира кај момчињата и мажите, додека поретко се препознава кај жените и девојчињата.
На мажите им се дијагностицира АДХД три пати почесто од жените, а некои студии покажуваат дека 75 отсто од жените со АДХД остануваат недијагностицирани
Психологот и експерт за АДХД, д-р Јанина Машке, вели дека симптомите може различно да се манифестираат кај жените и девојчињата, а голем дел од нашето разбирање за состојбата доаѓа од студиите направени на мажи. Симптомите како што се срамежливост, чувствителност на бучава и емоционална нестабилност, кои често се отфрлаат како типични женски особини, може да бидат показатели за АДХД.
Не е невообичаено на жените и девојките да им се каже дека нивните симптоми на АДХД се само симптоми на анксиозност, депресија или проблеми поврзани со менструацијата. На мажите им се дијагностицира АДХД три пати почесто од жените, а некои студии покажуваат дека 75 отсто од жените со АДХД остануваат недијагностицирани.
Во разговор за „Њузвик“ д-р Машке наведува 15 помалку познати симптоми на АДХД кои жените често ги занемаруваат или ги потиснуваат. Овие симптоми вклучуваат:
- повлеченост,
- срамежливост,
- емоционална нестабилност,
- често мечтаење,
- зборливост со лошо слушање,
- привидна немотивираност,
- чувствителност на бучава или ткаенини,
- подолго време потребно за обработка на информациите,
- трескање на врати,
- слаба концентрација,
- грешки од невнимание,
- често прекинување на другите или кажување зборови без размислување.
Жените со АДХД често имаат потешкотии да направат пријателства и може да развијат нарушувања во исхраната, додека мажите имаат поголема веројатност да развијат зависнички навики.
