Брадавиците се предизвикани од еден од повеќе од 100 различни соеви на хуман папилома вирус (HPV). Вирусот може да влезе преку мала рана или гребаница и да расте бавно неколку месеци пред да се формира брадавица. Повеќето брадавици може да се третираат со средства кои се продаваат без рецепт, но лекувањето може да трае неколку месеци.
Брадавиците не се високозаразни, но вирусот може да се пренесе преку директен контакт со друго лице или преку предмет кој ја допрел брадавицата, како што е крпа
Брадавиците се доста чести кај децата откако ќе почнат да се движат. (Ретко се јавуваат кај бебиња под 2 години.) Еве ги типовите на брадавици што најчесто ги добиваат децата:
- Обични брадавици може да се појават на кој било дел од телото, но најчесто се јавуваат на рацете, особено околу ноктите или на местата каде што кожата е повредена. Тврди се, груби на допир и имаат форма на мали куполи, со боја на кожа.
- Плантарни брадавици се јавуваат на табаните. Можат да бидат многу болни и да создаваат чувство како да газите на мал камен. Овие брадавици изгледаат како задебелени делови на кожата и може да имаат мали темни точки во нив.
- Филиформни брадавици се појавуваат околу устата, очите или носот. Имаат форма на мали прсти и обично се со боја на кожа.
Дали брадавиците се заразни?
Брадавиците не се високозаразни, но вирусот може да се пренесе преку директен контакт со друго лице или преку предмет кој ја допрел брадавицата, како што е крпа.
Најчесто се шират кога децата ги чепкаат. Може да се прошират на други делови од телото, особено каде што кожата е исечена или испукана.
Како да ја лекувам брадавицата кај моето дете?
Можеби ќе одлучите да ја оставите брадавицата сама да исчезне. Околу 60 % од брадавиците исчезнуваат сами по себе во рок од 2 години.
Дури и со третман, може да потрае со месеци додека брадавицата да исчезне. Освен ако брадавицата не е на лицето на вашето дете, започнете со средство за брадавици кое се купува без рецепт. Следете ги упатствата на пакувањето. Воопштено, ова е постапката:
- Потопете ја брадавицата во топла вода 5 минути секој ден, најдобро пред спиење.
- Ако брадавицата е задебелена, внимателно избрусете ја површината со турпија за нокти или камен за пети кој го користите само за таа намена.
- Нанесете го лекот на брадавицата, внимавајќи да не ја допрете околната кожа.
- Кога лекот ќе се исуши, покријте ја брадавицата и оставете ја преку ноќ.
- Измијте ги рацете по секое допирање на брадавицата за да спречите ширење на вирусот.
- Повторувајте ја постапката секој ден додека брадавицата не исчезне, што може да потрае од 2 до 4 месеци.
Ако вашето дете има многу брадавици или тие постојано се враќаат, обратете се кај лекар или земете упат за дерматолог. Може да ви препише посилен лек или терапија што го стимулира имунолошкиот систем да се бори против вирусот. Во ретки случаи, може да се препорача замрзнување или хируршко отстранување на брадавицата.
Осигурајте се дека вашето дете ќе ја прими вакцината против HPV. Вакцината штити од генитални брадавици и неколку соеви на вируси кои се поврзани со зголемен ризик од рак на грлото на матката и пенисот. Обично се препорачува на возраст од 11 или 12 години. Вакцината е најделотворна ако се прими пред лицето да биде изложено на типовите на HPV што можат да предизвикаат генитални брадавици и карциноми
Кога да се јавите кај лекар?
- Ако брадавицата предизвикува болка, се шири или е причина за срам кај детето.
- Ако брадавицата почне брзо да расте или да ја менува бојата.
- Ако брадавицата изгледа инфицирана. Знаци на инфекција се црвени линии, исцедок или необјаснета треска. (Ова е ретко.)
- Ако вашето дете има брадавици на анусот, гениталиите или во устата. (Забелешка: Овие може да бидат генитални брадавици, кои понекогаш се пренесуваат при раѓање и може да се појават по неколку години. Тие исто така укажуваат на можност за сексуално насилство. Ова е ретка, но сериозна ситуација која бара итна медицинска евалуација и заштита на детето.)
Како да спречите вашето дете да добие брадавици?
Иако не постои сигурен начин да се спречат брадавиците, можете да го намалите ризикот со следниве совети:
- Често миење на рацете.
- Носење обувки во соблекувални, базени и јавни тушеви.
- Да не се делат крпи или тоалетни средства.
- Чистење и покривање на исеченици и гребаници.
И на крај, осигурајте се дека вашето дете ќе ја прими вакцината против HPV. Вакцината штити од генитални брадавици и неколку соеви на вируси кои се поврзани со зголемен ризик од рак на грлото на матката и пенисот. Обично се препорачува на возраст од 11 или 12 години. Вакцината е најделотворна ако се прими пред лицето да биде изложено на типовите на HPV што можат да предизвикаат генитални брадавици и карциноми, пишува „Baby Center“.
