ПИШУВА:
Катерина Шекеровска-Димовска
katerina@pedijatar.mk
„Семејната медицина ги живее своите најтешки денови, бидејќи е непрепознаена, ингеренциите на специјалистите се недоволно платени и непризнаени од страна на институциите“, истакна д-р сци. Драган Ѓорѓиевски, претседател на Здружението на лекари по општа-семејна медицина (ЗЛОМ-СМ) и потпретседател на Европската унија на семејни лекари – УЕМО, на средбата со новинарите во хотелот „DoubleTree by Hilton“, по повод 19 Мај – Светскиот ден на семејните лекари, а во рамки на одржувањето на 6. Конгрес и 26. Симпозиум со меѓународно учество на Здружението на лекари по општа-семејна медицина (ЗЛОМ-СМ).
Годинава темата на кампањата за Светскиот ден на семејните лекари е „Градење ментална отпорност во промена на светот“, со акцент на клучната улога на семејната медицина во поддршката на менталното здравје и отпорноста
„Иако беа поканети и од Министерството за здравство и од Фондот за здравство, за жал, никој не дојде да присуствува и да се обрати со поздравен говор пред бројната публика на колеги. Пред присутните зборуваше претседателот на УЕМО, д-р Тијаго Вилануева, УЕМО во моментов има стратегија пред Европскиот парламент, веќе е влезена, бидејќи во европските земји семејната медицина е признаена како специјализација, имаат свои ингеренции кои ги даваат и се соодветно платени, но имаат еден проблем – коефициентот е помал во однос на другите специјализации. Сега се предлага изедначување на коефициентот и тоа веќе го разгледува Европскиот парламент и влегува како една директива. Бидејќи цело време сме земја која на широки врати зборува дека сака да ги следи директивите на ЕУ, ајде веќе еднаш да почнеме да ги следиме директивите на ЕУ, па здравствените власти да имаат малку позабрзан тек за да се доближиме до ЕУ, бидејќи европските пратеници веќе ги изедначуваат специјалистите по семејна медицина на ниво со останатите специјализации. Кај нас се уште не ја признаваат специјализацијата и несоодветно ја плаќаат“, потенцира д-р сци. Ѓорѓиевски.
Под мотото „Дијагноза и превенција во семејна медицина патоказ кон иднината“, од 15 до 18 мај 2025 година во хотелот „DoubleTree by Hilton“ во Скопје, се одржува 6. Конгрес и 26. Симпозиум со меѓународно учество на Здружението на лекари по општа-семејна медицина (ЗЛОМ-СМ). За настанот владеее огромен интерес, а на него учествуваат 25 странски предавачи – професори и лекари од Португалија, Германија, Словенија, Хрватска, Романија, Бугарија, Турција и Србија, како и домашни професори експерти, но и семејни лекари. Симпозиумот е посветен на сексуално преносливите инфекции со предзнак „Силата во рацете на семејниот лекар“
Светскиот ден на семејните лекари (World Family Doctor Day – WFDD), кој се одбележува на 19 мај, е глобален настан за препознавање на клучната улога што ја имаат матичните лекари и тимовите од примарната здравствена заштита во здравствените системи ширум светот. Овој годишен настан, воспоставен од WONCA во 2010 година, ги слави виталните придонеси на матичните лекари во обезбедување персонализирана, сеопфатна и континуирана грижа за пациентите и заедниците.
„19 Мај секоја година се одбележува како Светски ден на семејните лекари, и овогодишното мото на европската и светската WONCA е градење на ментална отпорност во подобрување и промени на светот. Нашето Здружение обично прави голем број на активности за населението на овој ден, но оваа година одлучивме да направиме голем меѓународен конгрес на кој имаме учесници од голем број европски земји, како и домашни, македонски експерти и професори на 6. Конгрес и 26. Симпозиум на ЗЛОМ-СМ.
Одењето на психијатар кај младите, за жал, се уште е табу-тема. Кога ќе разговарате со некоја помлада индивидуа и ќе и поставите прашања како се чувствува, дали има расположение, дали не спие доволно и сл. – пациентот не сака да разговара на таа тема. Уште кога ќе му кажете дека врз основа на скорингот понатаму треба да се проследи на психијатар, реченицата која најчесто ја користат гласи: „Па, јас не сум луд!“
Она што треба да се потенцира и е многу битно, е дека логото на светска WONCA оваа година е избрано заради моментот што се поголем и поголем е бројот на ментални заболувања коишто се појавуваат, пред се, кај помладата популација. Треба сите како лекари, пред се, семејните лекари да одиме во една поголема борба кон тие психолошки нарушувања коишто се случуваат во популацијата“, истакна првиот човек на ЗЛОМ-СМ.
Д-р сци. Ѓорѓиевски додаде дека одењето на психијатар кај младите, за жал, се уште е табу-тема. „Кога ќе разговарате со некоја помлада индивидуа и ќе и поставите прашања како се чувствува, дали има расположение, дали не спие доволно и сл. – пациентот не сака да разговара на таа тема. Уште кога ќе му кажете дека врз основа на скорингот понатаму треба да се проследи на психијатар, реченицата која најчесто ја користат гласи: „Па, јас не сум луд!“ Тоа не значи дека некој е луд, едноставно психијатар имаат и најпознатите ѕвезди, и политичари, и актери, зашто во одредени животни ситуации потребна ни е поддршка од психијатар и психолог за да можеме полесно да ги пребродиме проблемите“, додаде Ѓорѓиевски.
Според последните податоци, Во Македонија има околу 500 семејни лекари, а вкупно матични лекари се околу 1200. Семејните лекари имаат суштинска улога во здравствениот систем, бидејќи обезбедуваат континуирана, сеопфатна и индивидуализирана грижа за пациентите. Тие се грижат за лица од сите возрасти, покривајќи превенција, едукација, третман и следење на хронични болести
Во Скопје се одржува 6. Конгрес и 26. Симпозиум со меѓународно учество на Здружението на лекари по општа-семејна медицина (ЗЛОМ-СМ)
Под мотото „Дијагноза и превенција во семејна медицина патоказ кон иднината“, од 15 до 18 мај 2025 година во хотелот „DoubleTree by Hilton“ во Скопје, се одржува 6. Конгрес и 26. Симпозиум со меѓународно учество на Здружението на лекари по општа-семејна медицина (ЗЛОМ-СМ). За настанот владеее огромен интерес, а на него учествуваат 25 странски предавачи – професори и лекари од Португалија, Германија, Словенија, Хрватска, Романија, Бугарија, Турција и Србија, како и домашни професори експерти, но и семејни лекари. На конгресот се обработуваат повеќе теми за ризик фактори, скрининг и превенција на одредени заболувања, дијабет, хипертензија и хиперлипидемија, ХОББ И АСТМА, мултиморбидитети, стари лица и полифармација, ревматолошки заболувања и антибиотици и др., додека симпозиумот е посветен на сексуално преносливите инфекции со предзнак „Силата во рацете на семејниот лекар“.
Според последните податоци, Во Македонија има околу 500 семејни лекари, а вкупно матични лекари се околу 1200. Семејните лекари имаат суштинска улога во здравствениот систем, бидејќи обезбедуваат континуирана, сеопфатна и индивидуализирана грижа за пациентите. Тие се грижат за лица од сите возрасти, покривајќи превенција, едукација, третман и следење на хронични болести. Со целосен увид во здравствената историја, животните навики и психосоцијалните околности на пациентите, семејните лекари нудат холистички пристап кон здравјето. Тие имаат клучна улога и во менталното здравје, бидејќи први ги забележуваат знаците на психолошка потешкотија и обезбедуваат поддршка или упатување. Дополнително, тие координираат грижа низ различни нивоа на здравствениот систем. Нивната работа не само што го унапредува индивидуалното здравје, туку ја јакне отпорноста и благосостојбата на целата заедница.
Клучни пораки за Светскиот ден на семејните лекари 2025
- Примарната здравствена заштита гради ментална отпорност: Семејните лекари имаат уникатна улога во негата на менталното здравје преку континуирана, персонализирана грижа, рана интервенција и холистичка поддршка, овозможувајќи им на пациентите ефикасно справување со животните предизвици.
- Добросостојбата на лекарите и грижата за пациентите создаваат позитивен циклус: Семејните лекари што го приоритизираат сопственото ментално здравје обезбедуваат поквалитетна грижа, градејќи позитивна динамика во која и лекарите и пациентите напредуваат, со што се зајакнува целокупната отпорност на заедницата.
- Менталното здравје се темели на отпорност и приспособливост, а не на совршенство: Се залагаме за промена на перцепцијата – од неостварливи идеали на менталното здравје кон промовирање на отпорност и приспособливост, овластувајќи ги поединците и заедниците конструктивно да ги надминуваат животните предизвици.
