Медицината бележи редок феномен наречен суперфетација. Оваа состојба подразбира зачнување на втор фетус, која резултира со тоа што во матката на мајката се развиваат две бебиња, близнаци со различна гестациска возраст, а некогаш и близнаци со два датуми на раѓање, пишува порталот „BrightSide“.
При суперфетација, оплодувањето се случува во два различни менструални циклуса, поради што близнаците не се само со различна гестациска возраст, туку можат да бидат и со различни крвни групи. Тоа е клучното што ја разликува од суперфекундацијата, која подразбира оплодување на две јајце клетки, ослободени за време на еден менструален циклус, но од два одделни сексуални односи.
Вообичаено, кога жената ќе забремени, нејзините јајници престануваат да ослободуваат јајце клетки во матката, бидејќи хормоните испраќаат сигнал до телото да се „подготви“ за растење на бебе. Но во случајот на суперфетација, јајниците и понатаму продолжуваат да создаваат и ослободуваат јајце клетка што може да се оплоди.
При суперфетација, оплодувањето се случува во два различни менструални циклуса, поради што близнаците не се само со различна гестациска возраст, туку можат да бидат и со различни крвни групи
Се разбира, сите овие научни објаснувања се поткрепени со вистински случаи. Досега се регистрирани само 10 такви во светот. Меѓу последните е случај во Австралија, каде што една жена останала бремена двапати во рок од 10 дена. Иако ги родила во ист ден, девојчињата имале различни тежини и различни крвни групи.
Научниците исто така тврдат дека суперфетацијата е можна кај животните, особено кај цицачите.
