РАЗЛАДУВАЊЕ НА ВНАТРЕШНИ ПРОСТОРИИ
Идеална собна температура денски е 21°С, во ноќта 18°С. Но во период на топлотни бранови најдобро е собната температура да се одржува околу 25°С, препорачуваат од Институтот за јавно здравје на РСМ.
За поголема ефикасност и економичност на ладењето, изладете една или две соби наместо цела куќа
За разладување на внатрешни простории треба добро да се процени пред да ги отворите прозорците на вашата куќа. Ако температурата надвор е повисока отколку внатре, може да изгубите релативно поладно засолниште. Наместо тоа, во периодот од 10 до 17 часот цврсто затворете ги прозорците и завесите, надворешните или внатрешните ролетни во просториите свртени кон сонце. По потреба, може да се користат чаршафи или крпи.
-
Отворете ги прозорците кога воздухот се чувствува поладен надвор отколку внатре.
-
Употребата на електричните уреди создава топлина. Исклучете ги грејните тела, како и електричната опрема и светлата што не се во употреба.
-
Електричните вентилатори можат да помогнат, но само ако температурата е под 35°С. Можете да ја разладите просторијата без вентилатор следејќи ги нашите други совети.
-
Температурата на климата не треба да биде наместена под 7°С од надворешната. Пример: Ако е надвор 35°С, клима уредот максимум треба да ви биде наместена на 28°С.
-
За поголема ефикасност и економичност на ладењето, изладете една или две соби наместо цела куќа.
-
Гответе во поладно време од денот. Употребата на ринглата и рерната да биде колку што е можно пократко време, а пред и после употреба да следи соодветна аклиматизација на просторијата каде се употребувале истите.
Дрвата се одличен начин да ги одржувате градовите ладни, па дури и едно дрво на улица или градина дава мерливи придобивки. Размислете и за садење на дрвја со семејството или соседите чии позитивни придобивки ќе ги почувствувате вие и идните генерации. Особено поволен ефект за ладењето даваат дрвата со голема крошна. (Извор: ИЈЗ)
