Секое дете е уникатно, но некои покажуваат знаци на извонредна интелектуална способност уште од најрана возраст. Родителите често се прашуваат дали нивното дете е „поразлично“, „понапредно“ или „необично љубопитно“ – и токму тие интуитивни перцепции можат да бидат првите сигнали за висок коефициент на интелигенција.
Во овој текст ќе откриете чести однесувања кои можат да укажат на повисок коефициент на интелигенција кај децата, како и дополнителни карактеристики според експертите од Менса, меѓународна организација на луѓе со висок коефициент на интелигенција (IQ). Препознавањето на овие знаци не само што може да ви помогне подобро да го разберете вашето дете, туку и да го поддржите во неговиот развој на начин кој одговара на неговите способности и интереси.
- Вашето дете само научило рано да чита
Дали вашето дете почнало да чита на околу четиригодишна возраст? Децата кои покажуваат интерес за книги уште во раното детство обично имаат повисок коефициент на интелигенција. Повеќето деца почнуваат да читаат на возраст од околу шест години.
- Музички е надарено
Без разлика дали се работи за гитара, пијано или едноставно за потреба или желба постојано да пее – ако вашето дете е музикално, тоа е знак на поголема интелигенција.
- Има одлична меморија
Дали вашето дете се сеќава на сè и може да зборува за нешта што се случиле пред неколку недели, месеци или дури пред една година? Тоа е добар знак – вашето дете има одлична меморија.
Децата кои покажуваат интерес за книги уште во раното детство обично имаат повисок коефициент на интелигенција. Повеќето деца почнуваат да читаат на возраст од околу шест години
- Љубопитно е
Според списанието Harvard Business Review, љубопитноста е исто толку важна како и интелигенцијата. Децата кои поставуваат многу прашања сакаат и многу да научат, а често имаат и повисок IQ од другите.
- Има смисла за хумор
Дали вашето дете сака да се шегува? Малите деца често се несмасни во своите обиди да бидат духовити, но дозволете им нивните шеги да бидат смешни. Според Менса, добра доза хумор е знак на висок IQ.
- Сака да разговара – дури и со возрасни
Дали вашето дете е вистински „брбливко“ и сака да зборува со возрасни? Одлично! Тоа е уште еден знак дека има висок коефициент на интелигенција.
Даровитото дете може да покаже уште некои од следниве однесувања, според Менса:
- Побрзо достигнување на интелектуални развојни пресвртници.
- Необични хобија или интереси, или длабоко познавање на одредени теми.
- Нетолерантност кон други деца.
- Свесност за светските настани.
- Поставување невозможно високи стандарди за себеси.
- Преферира дружење со возрасни или самостојни активности.
- Лесно учи.
- Сака да има контрола.
- Си создава дополнителни правила за игри.
- Екстровертна или интровертна личност.
