Сите родители сакаат нивните деца да бидат среќни, а поврзувањето со нив е клучен дел од тој процес. За среќа, постојат одредени практики кои можат да помогнат во одгледувањето среќни деца. Воспоставувањето силни врски со децата, преку квалитетно заедничко време и разбирање на нивните потреби, може значително да придонесе за нивната емоционална благосостојба. Затоа, психологот и мајка на две деца, Џезмин Меккој, во неодамнешната објава на Инстаграм издвои шест мали нешта кои многу им значат на децата.
Еве што препорачува Мекој:
- Водете ги вашите деца на прошетки „еден на еден“ за да разговарате за тоа што се случува во нивниот живот.
- Прашајте ги вашите деца за нивниот најдраг спомен и потоа планирајте како да го повторите.
- Воздржете се од поставување прашања после училиште, особено кога децата се враќаат дома фрустрирани или уморни.
- Нека децата ве слушнат како зборувате нешто убаво за нив.
- Започнете со свои традиции и ритуали, како што се вечери на друштвени игри во петок или прошетки во природа во недела.
- Ставете бела табла во детската соба или користете самолепливи белешки за да им оставите слатки пораки.
