Еден од најдобрите фудбалери во светот, Лионел Меси, боледувал од ретко пореметување кое за малку ќе го чинело кариера.
Иако денес е голема фудбалска ѕвезда, Лионел Меси како дете се соочил со голем здравствен проблем. Имено, кога имал само 11 години, неговите родители забележале дека неговиот раст не е како што се очекува за дете на негова возраст. Според „Тајмс оф Индија“, неговиот раст стагнирал, а набргу по посетата на лекар, било откриено дека има недостаток на хормон за раст.
Дефицит на хормонот за раст (GHD) е состојба предизвикана од недоволна количина на хормон за раст во телото. Може да биде генетска (вродена) или развиена подоцна (стекната). Ова хормонално пореметување се решава со вбризгување инјекции со хормон за раст, а токму тоа морал да го прави и аргентинскиот фудбалер секоја вечер.
Иако оваа состојба воопшто не е безопасна, доколку навреме се препознае и се лекува со супституциона терапија со хормон за раст, таа веќе не претставува никаков проблем во возрасна доба
Како Меси се изборил со состојбата?
На 12-годишна возраст, Меси морал секоја вечер да вбризгува хормони за раст во ногата. Сепак, цената на лекувањето била превисока, а неговото семејство се потешко можело да обезбеди хормонски инјекции. Во тоа време, ФК Барселона помогнала и го спасила Меси така што на 13-годишното момче му било понудено место во нивниот тим, кој ги спонзорирал неговите медицински трошоци.
Симптоми кои укажуваат на недостаток на хормон за раст
Како да препознаете дали и вашето дете страда од ова нарушување? Лекарите предупредуваат дека најчест знак за недостаток на хормон за раст е првенствено застојот во растот, односно кога детето е значително пониско од другите деца на негова возраст. За разлика од неговите врсници, детето на кое му недостасува хормон за раст стагнира со висината, а доколку тоа не се препознае навреме може да дојде и до многу посериозни последици.
Другите знаци може да вклучуваат:
- одложен пубертет,
- лице кое изгледа помладо,
- бавен развој на забите,
- нарушен раст на косата,
- зголемени маснотии околу лицето и стомакот,
- главоболки.
Иако оваа состојба воопшто не е безопасна, доколку навреме се препознае и се лекува со супституциона терапија со хормон за раст, таа веќе не претставува никаков проблем во возрасна доба.
