Нема зборови на утеха што може да ги ублажат болката и тагата по веста за страшната несреќа што се случи во утринските часови во дискотека во Кочани. Во кобната ноќ многу млади луѓе ги загубија животите, а голем број беа повредени.
Лекарите во овие моменти се борат за животите на повредените, кои биле меѓу 1 500 присутни на концертот на ДНК минатата ноќ во Кочани.
Траор, тага и неверување во целата земја, соседството и пошироко. Болката од оваа ненадоместлива загуба ја чувствуваат не само нивните семејства и блиски, туку и целата земја. Македонија не памети ваква трагедија во својата понова историја. Над педесетина животи во цутот на младоста згаснаа прерано, оставајќи празнина што никогаш нема да се пополни.
Редакцијата на Педијатар.мк изразува најдлабоко сочувство до семејствата на загинатите. Нека почиваат во мир. Господ нека им даде сила на нивните најблиски да ја издржат оваа ненадоместлива загуба.
Да не се повтори ваква трагедија. НИКОГАШ ПОВЕЌЕ!
