Максим е роден со родилна маса од само 820 грама, а од Клиниката за гинекологија замина со 2.400 грама. Неговата мајка, Роза Апостоловска од Скопје е породена со царски рез, а Максим е нејзино прво дете
♦♦♦♦♦♦♦
Предвреме роденото бебе Максим, кое дојде на свет на 5 јуни во 25-та гестациска недела, си замина дома од оваа установа, информираат од Универзитетската Клиника за гинекологија и акушерство. Максим е роден со родилна маса од само 820 грама, а од Клиниката за гинекологија замина со 2.400 грама. Неговата мајка, Роза Апостоловска од Скопје се породила со царски рез, а Максим е нејзино прво дете.
„Новороденчето помина 40 дена на Одделот за интензивна нега и терапија и беше на механичка вентилација. Од Клиниката замина во добра општа состојба и со пораст на телесната маса, по два ипол месечната грижа на педијатрите и целокупниот медицински персонал“, се вели во дописот од Министерство за здравство.
„Благодарение на добрата организација и на постојаното доопремување со најсовремена апаратура за предвремено родени бебиња на Одделот за интензивна нега и терапија добивме уште една битка за живот. Го испративме Максим дома со радост и желби за среќно и безгрижно детство“, истакнаа од Универзитетската клиника за гинекологија и акушерство.
