Фотографија на медицинска сестра која во рацете држи три новородени бебиња, опкружена со десетици тела и повредени, го заобиколи светот и стана симбол на страдањето во Бејрут.
По страшните експлозии што уништија големи делови на Бејрут во вторникот попладне, главниот град на Либан е уништен, а уништени се и многу болници, меѓу нив и болницата „Бејрут Рум“.
На Одделението за гинекологија и акушерство е направена една од најпотресните фотографии, која реално го прикажува очајот, тагата, беспомошноста и целата трагедија што ја задеси либанската метропола
Фотографот Билал Јавич фотографирал млада медицинска сестра, која во својата прегратка држи три новороденчиња, опкружена со рушевини, парчиња стакло, истовремено обидувајќи се да оствари телефонска врска и да испрати апел за помош на нејзините колеги, лекари и пациенти.
„После 16 години фотографирање за медиуми и многу војни… Можам само да кажам дека не сум видел ништо слично на ова што го видов денес во областа Ахрафије во Бејрут, особено пред болницата „Рум“… Оваа хероина ги завиткала и ги чуваше внатре во болницата, воспоставувајќи повици и покрај прекинот на комуникациите, три новороденчиња во рацете, опкружена со десетици тела и повредени“, напиша авторот на фотографијата на својот Фејсбук профил.
