♦♦♦♦♦♦♦
Повторно заѕвони ѕвончето на Детската клиника! Уште еден радосен момент: Онур си замина дома
„Деновиве уште еден наш јунак го испративме дома, долго бевме заедно на одделението за хемато-онкологија. Онур уживај во детството, биди среќен и продолжи да се смееш!“, напишаа од Детската клиника на нивниот ФБ профил каде ја објавија убавата вест.
Оваа недела е посветена на сите кои победиле карцином. Повеќе од 32 милиони лица преживеале рак низ целиот свет – сите знаат некој чиј живот е допрен од карцином. Го славиме животот со сите деца кои ја победиле оваа битка, тоа се нашите јунаци, непобедливи, се вели во објавата на Детска клиника.
Националниот ден на преживеаните од рак е годишна светска прослава на животот што се одржува во првата недела во јуни. Тоа е ден посветен на преживеаните од рак, подигнување на свеста за тековните предизвици со кои се соочуваат преживеаните од карцином поради нивната болест и – што е најважно – се слави животот.
Според National Cancer Survivors Day Foundation, „преживеан е секој што живее со историја на карцином – од моментот на дијагностицирање до крајот на животот“
„Кога луѓето ќе ги слушнат зборовите „имате рак“, тоа може да биде многу застрашувачко“, вели портпаролот на Фондацијата, Лора Шип. „Но, постои надеж. Денешните преживеани од карцином живеат подолго, имаат поквалитетен живот од кога и да било порано“.
