Во најубавиот пролетен месец мај (5-7 мај) во амбиентот на хотелот „Дрим“ во Струга се одржа првиот Симпозиум со меѓународно учество на Македонското педијатриско респираторно здружение, насловен „Хронична кашлица кај деца и асоцирани болести“.
„На симпозиумот учествуваа над 230 лекари и фармацевти. Покрај пленарните предавања и постер сесија имаше и сателитски симпозиуми. Научната програма беше поделена во три дена и опфаќаше теми од областа на педијатриската пулмологија и алергологија, микробиологија, оториноларингологија и хирургија“, објаснува претседателката на Македонското педијатриско респираторно здружение проф. д-р Татјана Јаќовска, која заедно со научниот и организациониот одбор се погрижија овој симпозиум да биде исклучително добро организиран и да заработи бројни пофалби од учесниците.
Со какви впечатоци се вративте од Струга, дали сте задоволни од реализираното и воопшто од амбиентот во кој помина овој стручен настан? На што беше ставен акцентот и што е она што Вие би го издвоиле како најбитно?
Проф. д-р Татјана Јаќовска: Првата сесија чест да ја отворат со свое предавање имаа гостите од Кембриџ проф. д-р Дона Мекшејн и проф. д-р Андрес Флото, после кои следуваше предавањето на проф. д-р Аспазија Софијанова и д-р Жељка Васич-Лончарич (Хрватска). На наше големо задоволство на првиот ден од симпозиумот се одржа промоција на две книги „Витаминот Д и респираторното здравје“ од авторите проф. д-р Татјана Јаќовска и асс. д-р Весна Мицевска, како и книгата „Астма у деце – фенотипови астме и деце“ од проф. д-р Анџелка Стојковиќ.
Свечено обраќање и отворање на настанот имав јас како претседател на Здружението, д-р Беса Поцеста-советник на Министерот за здравство, претседателот на Македонско лекарско друштво проф. д-р Горан Димитров и претседателката на Здружението на педијатри проф. д-р Аспазија Софијанова, по што следеше коктел за добредојде на кој не изостана и добрата забава на овој симпозиум.
Вториот и третиот ден од симпозиумот беше одбележан со бројни предавања од нашите колеги од соседството: проф. д-р Мирјана Туркаљ (Детска болница Сребрењак, Загреб, Хрватска), проф. д-р Анџелка Стојковиќ (Педијатриска клиника Крагуевац, Република Србија), д-р Александар Софтиќ (Институт за мајка и дете, Белград, Србија), проф. д-р Давор Плавец (Детска Болница Сребрења, Загреб, Хрватска). Со свои предавања беа и колегите од Институтот за белодробни заболувања кај децата – Козле, асс. д-р Ивана Аранаудова-Даневска, д-р Мирјана Поповска, д-р Веселинка Јосифова-Митровска, науч. сор. д-р Катерина Бошковска, доцент д-р Горица Попова, како и нашите пријатели и колеги од Клиничкиот центар „Мајка Тереза“, проф. д-р Сашко Јовев (Клиника за кардиохирургија), проф. д-р Горан Димитров и доцент д-р Валентина Тофиловска (Клиника за гинекологија и акушерство), д-р Зоран Арсовски (Клиника за пулмологија), проф. д-р Катерина Ставриќ (Катедра за семејна медицина), д-р Сеад Зејнел (директор на Институт за белодробни заболувања и туберкулоза), д-р Биљана Шурбевска (Институт за белодробни заболувања и туберкулоза), проф. д-р Александар Сајковски и д-р Наташа Чучкова (Клиничка болница „Систина“), проф. д-р Соња Бојаџиева, проф. д-р Филип Дума, проф. д-р Силвана Наунова-Тимовска и науч. сор. д-р Христина Манџуковска (Клиника за детски болести).
За време на Симпозиумот владееше прекрасна атмосфера исполнета со размена на искуства, надополнување на знаењето, дружење и прекрасна забава која после долг период на онлајн симпозиуми недостасуваше кај сите колеги
Последната сесија беше одбележана со 31 постер презентација од нашите колеги кои своите научни трудови и случаи на пациенти ги претставија на нашиот Симпозиум. За време на Симпозиумот владееше прекрасна атмосфера исполнета со размена на искуства, надополнување на знаењето, дружење и прекрасна забава која после долг период на онлајн симпозиуми недостасуваше кај сите колеги.
Македонското педијатриско респираторно здружение и понатаму ќе продолжи да работи во интерес на заедничка едукација и унапредување на здравјето на пациентите. Планирани се нови активности како стручни состаноци и работилници, а понатаму ќе следи уште еден симпозиум
Кои се заклучоците кои произлегоа од Симпозиумот?
Проф. д-р Татјана Јаќовска: На Симпозиумот се презентираа новини, нови препораки, имаше размена на искуства, поставување на протоколи, претставување на нови процедури, се надополни знаењето на сите колеги, се воспоставија лични контакти и веќе се направија договори за посета на одредени центри надвор од земјата и продлабочување на знаењата.
Македонското педијатриско респираторно здружение е новоформирано стручно здружение кое има за цел да ја зголеми свесноста за педијатриските белодробни пореметувања, да ја унапреди дијагностиката и лекувањето. Кои се наредните активности на Здружението?
Проф. д-р Татјана Јаќовска: Македонското педијатриско респираторно здружение и понатаму ќе продолжи да работи во интерес на заедничка едукација и унапредување на здравјето на пациентите. Планирани се нови активности како стручни состаноци и работилници, а понатаму ќе следи уште еден симпозиум. (К.Ш.Д.)
