Најновите производи на брендот за медицинска козметика „Институт“ од завчера и официјално може да се најдат и купат во сите поголеми „Тинекс“ маркети. Станува збор за крем за раце и крем за лице, кои премиерно беа претставени пред пошироката јавност на промоција што се одржа во вторникот во Ист Гејт Мол.
„Нашиот бренд за медицинска козметика „Институт“, како еден од 9 стартап херои поддржани од Фондот за иновации беше дел од промоцијата која се одржа во „Тинекс“ маркетот во склоп на Ист Гејт Мол. Во присуство на директорот на Фондот за иновации и технолошки развој, Фестим Халили, заменикот амбасадор на Швајцарија, Лусиен Аегертер, претставници на останатите компании „стартап херои“ и новинарите, отпочна официјално промоцијата и продажбата на сите производи од овој проект“, велат од „Институт“.
„Достапноста во маркетите значи препознавање на брендот, свесност, запознавање на потрошувачите со брендот и со производите секако“,
Бојана Филиповска, фармацевт и управител на компанијата „Фила козметик“, која стои зад брендот „Институт“
По што се специфични производите на брендот „Институт“? Станува збор за висококвалитетни производи без бои, конзерванси и мириси погодни за сите возрасти.
Кремот за раце содржи ксилитол и глицерол чија функција е да ја одржува влажноста и мекоста на кожата. Додека пак, кремот за лице со бадемово масло и овес е наменет за сува и осетлива кожа. Тој ја смирува кожата и ја хидрира одржувајќи ја нејзината бариерна функција.
Производите на брендот за медицинска козметика „Институт“, заедно со оние на останатите „стартап херои“ ќе бидат изложени на посебна полица во „Тинекс“ маркетите со цел поттикнување на купување на домашни производи.
Производите на „Институт“ ќе бидат поставени на брендирани полици и соодветно видливо означени во десет „Тинекс“ маркети
„Најдобар начин да се постигнат добри резултати е да се примени еден веќе испробан процес, па затоа производите ќе бидат поставени на брендирани полици и соодветно видливо означени во 10 наши маркети, а покрај комерцијалното рекламирање, ќе отстапиме и место на новите форми на комуникација како што е дигиталниот и виралниот маркетинг“, истакна Цветанка Христовска, бренд директор на „Тинекс“.
