Новиот лек кој се тестира за колоректален карцином ги остави лекарите вчудовидени откако врати 100 отсто успешност во клиничките испитувања.
Достарлимаб, лек со лабораториски произведени молекули кои делуваат како заменски антитела во човечкото тело, ги остави истражувачите изненадени откако сите 12 учесници беа во ремисија една година по испитувањето на лекот.
Лекарите направиле физички прегледи, ендоскопии, ПЕТ скенови и МРИ и не успеале да најдат никаква трага од рак во нивните тела.
Достарлимаб е најновиот лек за рак, кој го бранува светот на онкологијата
Д-р Луис А. Дијаз Јуниор од „Memorial Sloan Kettering Cancer Center“ во Њујорк рече дека ова се случува „прв пат во историјата на ракот“.
Д-р Дијаз и тим истражувачи објавија труд за нивните наоди во „New England Journal of Medicine“, опишувајќи ги нивните феноменални резултати.
Наодите сега го брануваат медицинскиот свет, со д-р Алан П. Венук, кој изјави за „Њујорк Тајмс“ дека целосната ремисија кај секој поединечен пациент е „нешто нечуено“.
Д-р Венук е специјалист за колоректален карцином на Универзитетот во Калифорнија и не бил вклучен во студијата, но тој го поздрави истражувањето како прво во светот. Истакна дека е особено импресивно тоа што ниту еден од пациентите не претрпел значајни компликации од пробниот лек.
12-те вклучени пациенти со рак на ректумот се соочиле со исцрпувачки претходни третмани, како што се хемотерапија, зрачење и инвазивна хирургија што може да резултира со дисфункција на цревата, уринарниот систем, па дури и сексуална дисфункција.
Пациентите влегле во испитувањето очекувајќи дека ќе мора да ги поминат овие третмани како следен чекор, но наместо тоа не бил потребен дополнителен третман.
„Memorial Sloan Kettering Cancer Center“ и коавторот на трудот, онкологот д-р Андреа Черчек, го опишаа моментот кога пациентите дознале дека повеќе немаат рак.
„Имаше многу солзи радосници“, изјави таа за „Њујорк Тајмс“.
Лекарите направиле физички прегледи, ендоскопии, ПЕТ скенови и МРИ и не успеале да најдат никаква трага од рак во телата на пациентите
Колоректалниот карцином – попознат како рак на дебелото црево, погодува 100.000 Австралијци секоја година, според „Cancer Australia“.
Достарлимаб е најновиот лек за рак, кој го бранува светот на онкологијата.
Во мај, тим од американски лекари го претстави своето револуционерно истражување што може да значи дека сме на добар пат кон излекување.
Научниците за првпат му вбризнаа нов генетски модифициран вирус кој убива рак на човек-пациент.
Лекот – Ваксинија – веќе се покажал како успешен во тестирањето на животни, па научниците и медицинските истражувачи имаат големи надежи за тоа какви ќе бидат резултатите за луѓето. Досега е откриено дека вирусот Oncolytic ги намалува туморите на дебелото црево, белите дробови, дојката, јајниците и панкреасот во испитувањата на животни. (LADBIBLE)
