Австралија го започна првиот превентивен скрининг на ДНК во светот за откривање на рак и срцеви заболувања, објави австралискиот универзитет „Монаш“.
Проектот, започнат од Факултетот за јавно здравје и превентивна медицина Монаш, ќе вклучи најмалку 10.000 луѓе на возраст од 18 до 40 години.
Тестот е бесплатен и вклучува ставање примерок од плунка во мала епрувета добиена по пошта и се враќа во плик со платена поштарина
„Младите Австралијци сега можат да пристапат до бесплатен ДНК тест на плунка за да дознаат дали се соочуваат со зголемен ризик од некои видови на рак и срцеви заболувања, кои може да се спречат или рано да се лекуваат доколку се откријат“, се вели во соопштението на Универзитетот.
Тоа е прва во светот превентивна студија дизајнирана специјално за проценка на населението преку националниот здравствен систем. Тестот е бесплатен и вклучува ставање примерок од плунка во мала епрувета добиена по пошта и се враќа во плик со платена поштарина, се вели во соопштението и се додава дека заинтересираните можат да се пријават на веб-страницата на универзитетот.
„Се надеваме дека ќе ги идентификуваме оние кои се изложени на ризик додека се млади и здрави, а не потоа, и ќе ги поттикнеме да донесуваат поинформирани одлуки за нивното здравје“, рече вонреден професор Пол Лаказ.
„Повеќето луѓе не дознаваат за нивниот генетски ризик додека не е предоцна, откако ќе им биде дијагностициран терминален карцином или срцев удар. Сакаме да го промениме тоа“, изјави Лаказ.
Универзитетот наведува дека на оние за кои ќе се утврди дека се изложени на висок ризик за време на тестирањето ќе им биде понудено советување и превентивни мерки, како што се редовни скенирања и прегледи, пренесува „Н1“.
