Пролетта претставува идеално време за семејни излегувања во природа. Но исто така треба да се има на ум дека токму оваа сезона е омилена и на крлежите.
Убавото време, заедничкото дружење во природа, играњето носат многу радости, но и можност за убод од крлеж. Крлежите може да се најдат во висока трева, грмушки, џбунови, влажни површини. Ги има во шумите, ливадите, но и во парковите и неуредените дворови.
Ако сепак забележите крлеж, не треба да го триете со какви било масла, алкохол или со кое било друго средство. Потребно е детето да се однесе во здравствена установа за да се отстрани крлежот од страна на стручно лице, што е можно поскоро, а најдоцна во рок од 24 часа од моментот на убодот
За да го заштитите вашето дете, треба да избегнувате места за пешачење и играње на нерасчистени и необработени тревни површини. Детето треба да носи капа, да има светла гардероба, но со подолги ракави и ногавици, а на незаштитените делови од телото треба да се нанесуваат репеленти погодни за возраста на детето. Откако ќе пристигнете дома, истресете ја гардеробата, прегледајте и исчешлајте ја косата, прегледајте ја кожата. Пред сè, треба да ги преземете сите мерки за да спречите убод од крлеж.
Важно е да се обрне посебно внимание на местата каде што кожата е најтенка (пазувите, под градите, околу папокот, препоните, на главата и зад ушите). Кај децата крлежите често ќе се најдат на главата, бидејќи се пониски и повеќе играат на трева од возрасните.
Доколку на телото се појави црвенило во облик на прстен, покачена телесна температура, главоболка, болки во мускулите и зглобовите, зголемени лимфни жлезди, задолжително треба детето да се однесе на лекар
Ако сепак забележите крлеж, не треба да го триете со какви било масла, алкохол или со кое било друго средство. Потребно е детето да се однесе во здравствена установа за да се отстрани крлежот од страна на стручно лице, што е можно поскоро, а најдоцна во рок од 24 часа од моментот на убодот.
Ако крлежот што ве каснал вас или вашето дете бил заразен, постои ризик од развој на Лајмска болест. Симптомите на болеста може да се појават и до еден месец подоцна. Затоа е важно да се води евиденција за убодите од крлежи и да се информира лекарот за тоа, доколку се појават симптоми.
Крлежот може да се однесе на анализа за да се провери дали бил заразен. Доколку бил заразен, лекарот одлучува дали антибиотиците треба да се администрираат превентивно. Местото на убодот и здравствената состојба ќе се следат еден месец. Доколку на телото се појави црвенило во облик на прстен, покачена телесна температура, главоболка, болки во мускулите и зглобовите, зголемени лимфни жлезди, задолжително треба детето да се однесе на лекар.
