Американскиот центар за контрола и превенција на болести (ЦДЦ) во почетокот на оваа недела го подигна нивото на тревога поради мајмунските сипаници и препорача носење маски додека се патува, но предупреди дека тоа не е исто ниво на загриженост како во случајот со Ковид-19.
Периодот на инкубација помеѓу изложувањето и појавата на првите симптоми може да трае од пет до 21 ден, според Светската здравствена организација
Симптомите на мајмунски сипаници прво се слични на грипот, а потоа пациентите развиваат болен осип и лезии, како и отечени лимфни јазли.
Периодот на инкубација помеѓу изложувањето и појавата на првите симптоми може да трае од пет до 21 ден, според Светската здравствена организација.
Случаи на мајмунски сипаници се пријавени на сите континенти освен на Антарктикот.
„Потврдени се некои случаи кај мажи кои имале полови односи со други мажи. Некои случаи се потврдени кај луѓе кои живеат во исто домаќинство со заразено лице“, соопшти ЦДЦ.
Експертите велат дека многу сексуално преносливи инфекции имаат слични симптоми и дека реалниот број на луѓе заразени со мајмунски сипаници би можел да биде поголем.
Според ЦДЦ, само во САД се пријавени 31 случај на мајмунска сипаница.
