Гана ги потврди првите два случаи на смртоносниот вирус марбург, многу заразна болест предизвикана од вирус од истото семејство како и вирусот што предизвикува ебола.
Како што соопштија од болницата во јужниот регион Ашанти, двајцата заразени пациенти починале. Анализата на примероците покажала дека се работи за вирусот марбург, а тоа го потврди и тестирањето во Сенегал. Во моментов, 98 лица се во карантин поради сомневање за контакт со починатите, а меѓу нив се роднини, медицински лица и работници во мртовечница кои стапиле во контакт со двајцата пациенти.
Вирусот преминал на луѓето преку овошни лилјаци, а меѓу луѓето се пренесува преку телесни течности. Симптомите вклучуваат висока температура, главоболка, болки во мускулите, повраќање крв и крвавење
Вирусот се пренесува преку лилјаци
Не постои лек за марбург вирусот, но лекарите велат дека пиењето многу вода и лекувањето на специфичните симптоми може да ги зголеми шансите за преживување. Вирусот преминал на луѓето преку овошни лилјаци, а меѓу луѓето се пренесува преку телесни течности. Симптомите вклучуваат висока температура, главоболка, болки во мускулите, повраќање крв и крвавење. Владините претставници ги повикаа граѓаните да се држат подалеку од пештерите и добро да го испечат месото пред да го консумираат, јавува „Би-Би-Си“.
Овошните лилјаци кои го пренеле вирусот на луѓето се познати и како „летечки лисици“, а нивниот распон на крилјата може да достигне 170 см. Нивното име доаѓа од фактот дека главно се хранат со овошје, а живеат во тропските области на Азија, Австралија, Источна Африка и на островите во Индискиот и Тихиот океан.
Во Африка, овој вирус претходно беше регистриран во Ангола, Конго, Кенија, Јужноафриканска Република и Уганда. За прв пат се појави во градот Марбург во Германија во 1967 година, кога починаа седум лица. Овој вирус беше најсмртоносен во Ангола во 2005 година, кога од негот починаа повеќе од 200 луѓе, пишува „Би-Би-Си“.
