ПИШУВА:
Слаѓана Трајкова,
дипл. логопед-дефектолог, мастер логопед
Ј.З.У. Центар за рехабилитација на патологија на вербална комуникација
♦♦♦♦♦♦♦
6март е Европски ден на логопедијата, посветен на подигнување на свеста за постоењето на говорните нарушувања.
Логопедијата е наука што ја проучува патологијата на говорот, односно нарушувањата во разбирањето, усното изразување, читањето, пишувањето, гестикулацијата и мимиката. Таа се занимава со проучување и третман на различни видови говорни нарушувања. Целото внимание е насочено кон говорот како основно средство за разбирање меѓу луѓето.
Логопедијата е моќна, силна и почитувана наука, затоа што се грижи за правилниот говор кај нашите деца уште од најрана возраст
Логопедската терапија се спроведува од страна на логопед-стручно лице кое се занимава со превенција, откривање, дијагностика и третман на лицата со патологија на вербалната комуникација и сите оние процеси и функции кои се поврзани со продукција на говор, перцепција и продукција на оралниот и на писмениот јазик, како и облиците на невербална комуникација.
Во никој случај не треба да се изостави и постоењето на човековиот глас. Гласот е тесно поврзан со усниот говор. Логопедијата е наука која се бави и со човековиот глас, ги изучува и прати сите негови форми на нарушувања. Логопедијата е моќна, силна и почитувана наука, затоа што се грижи за правилниот говор кај нашите деца уште од најрана возраст.
Задачите на логопедијата е да се пронајдат мерки за да се отстранат некои гласовни нарушувања, за да се утврдат и да се класифицираат говорните пореметувања, да се истражат, но и да се пронајде причинителот на говорните пореметувања.
Само во предучилишната возраст, според проценките, околу 30-60 % од децата имаат говорен проблем. Доколку овој проблем не се открие навреме, тој може да се продлабочи и подоцна да се одрази на детскиот развој. Понатаму, може да предизвика потешкотии при описменувањето, како и при совладувањето на процесите на читање и пишување
Бара да се пронаоѓаат нови мерки и методи на отстранување на говорното пореметување, да се пронајдат и превентивни мерки за да се спречат говорните и гласовните нарушувања. Работи и на советодавните третмани, логопедски инструкции и насоки, за да можат родителите на помалите деца благовремено да интервенираат доколку се појави говорен проблем.
Не може со зборови да се опише колкаво е значењето на логопедијата. Живееме во време, и сите сме сведоци на зголемувањето на бројот на деца со говорни нарушувања. Тој број постојано расте – од ден во ден, од месец во месец, од година во година. Сè повеќе се погодени децата од најраната возраст, во периодот кога треба да започнат да го усвојуваат говорот. Забележуваме и дека денешните деца подоцна прозборуваат, а дури и кога ќе прозборат навреме, често не зборуваат правилно, при што се јавува неразбирлив говор. Ние, како стручни лица – логопеди, секојдневно се справуваме со детската говорна патологија и неуморно работиме со секое дете поединечно за да му помогнеме да развие правилен говор.
Само во предучилишната возраст, според проценките, околу 30-60 % од децата имаат говорен проблем. Доколку овој проблем не се открие навреме, тој може да се продлабочи и подоцна да се одрази на детскиот развој. Понатаму, може да предизвика потешкотии при описменувањето, како и при совладувањето на процесите на читање и пишување.
Логопедската терапија се спроведува од страна на логопед-стручно лице кое се занимава со превенција, откривање, дијагностика и третман на лицата со патологија на вербалната комуникација и сите оние процеси и функции кои се поврзани со продукција на говор, перцепција и продукција на оралниот и на писмениот јазик, како и облиците на невербална комуникација
Културата на еден човек започнува со појавата на живиот говорен збор. Говорниот збор претставува основа за понатамошниот развој на човековото мислење, размислување, памтењето, логичното расудување и културата воопшто. Писмениот збор има значење во зачувувањето и пренесувањето на човековите културни вредности, а правилно искажаниот жив збор е силен фактор што влијае врз една индивидуа, помагајќи ѝ да го изгради и усоврши својот карактер, делува и врз цел колектив, па дури и врз цел народ. Големината на науката логопедија е во културното и социјалното постоење.
