Алергија на сонце е термин кој често се користи за опишување на низа состојби во кои се појавува црвен осип на кожата изложена на сонце, често придружен со чешање. Некои луѓе имаат наследен тип на алергија на сонце, додека други развиваат знаци и симптоми само кога се појавува друг фактор што предизвикува алергија, како што се одредени видови лекови.
Од непозната причина, алергијата на сонце се јавува почесто кај жените (средовечни) отколку кај мажите. Алергијата на сонце е почеста кај луѓето со посветла кожа. Откако еднаш ќе се појави алергија, таа обично повторно се јавува од година во година. Особено на алергии на сонце се изложени лицата кои страдаат од автоимуни болести, бубрежни заболувања и луѓето кои консумираат антибиотици и аналгетици.
Благите случаи на алергија на сонце може да се решат без лекување. Потешките случаи може да бараат стероидни креми или таблети. Луѓето кои имаат силни алергии на сонце понекогаш мора да преземат превентивни мерки и да носат заштитна облека.
Одењето на плажа се препорачува од 9 до 11 часот најдоцна. Децата треба да престојуваат на плажа под дебела сенка. Исто така, не треба да се изложуваат на сонце повеќе од 15 минути. Малите деца до шест месеци воопшто не треба да се изложуваат на сонце. Прекумерното изложување на сонце кај децата може да доведе до сериозни изгореници
Алергија на сонце кај деца
Осипот на детската кожа најчесто се појавува како последица на влажност и топлина. Таквиот осип не е карактеристичен само за малите деца, туку може да се појави и во возрасна доба. Алергијата на сонце кај децата обично се јавува на пределот на главата, рамењата и вратот. Симптомите предизвикани од оваа алергија вклучуваат мозолчиња, точки, плускавци, па дури и отечени израстоци на кожата.
Одењето на плажа се препорачува од 9 до 11 часот најдоцна. Децата треба да престојуваат на плажа под дебела сенка. Исто така, не треба да се изложуваат на сонце повеќе од 15 минути. Малите деца до шест месеци воопшто не треба да се изложуваат на сонце. Прекумерното изложување на сонце кај децата може да доведе до сериозни изгореници.
Децата можат да бидат алергични и на креми со заштитен УВ фактор. Најчесто се појавуваат мозолчиња кои се предизвикани од изложување на сонце, но и од прекумерно потење.
Превенција од алергија на сонце
За да се заштитите од алергиска реакција на сонце, потребно е да ја заштитите кожата од изложување на сончеви зраци, барем во периодот кога сонцето е доволно силно за да предизвика несакани ефекти. Пред излегување на сонце користете крема со заштитен фактор 15 или повеќе, односно оние креми кои имаат широк спектар на заштита од УВА и УВБ зраци.
Би требало да нанесете крема и на усните, а денес постојат и специјални балсами за усни кои содржат УВ заштита.
- Секогаш носете капа и очила за сонце, како и бела облека за да ја покриете чувствителната кожа
Постепеното изложување на сонце го намалува ризикот од развој на алергиски реакции. Идеално би било доколку не би биле изложени на сонце помеѓу 11 и 16 часот. Избегнувајте да носите и темна, синтетичка или премногу тесна облека која ќе ја спречи вашата кожа да „дише“. Ако сте облечени, тоа не значи дека не треба да нанесете крем со заштитен фактор на кожата под облеката.
