Дали вашето дете е заинтересирано да ги научи буквите? Дали самото разгледува низ книгите и списанијата? Дали сака да „пишува“ со молив или пенкало? Дали слуша внимателно за време на раскажување приказна? Ако одговорот е да, можеби е подготвено да научи некои од основите на читањето. Ако не, тогаш е како повеќето деца од предучилишна возраст на кои ќе му требаат уште една или две години за да ги развие јазичните вештини, визуелната перцепција и меморијата што му се потребни за да започне формално читање.
Кој е најуспешниот пристап за рано учење? Дозволете му на вашето дете да си постави свое темпо и да се забавува без разлика што и да прави. Не го принудувајте на учење букви, бројки, бои, форми или зборови. Наместо тоа, поттикнете ја неговата љубопитност и тенденции да истражува самостојно. Читајте му книги во кои ужива, но не го притискајте да ги научи зборовите. Обезбедете му едукативни искуства, но погрижете се тие да бидат исто така и забавни
Иако некои четиригодишници искрено сакаат да научат да читаат и ќе почнат да препознаваат одредени познати зборови, нема потреба да го терате вашето дете да го прави тоа. Дури и ако успеете да му ја дадете оваа предност, детето можеби нема да ја одржи откако ќе почне на училиште. Повеќето рани читатели ја губат својата предност во однос на другите деца во второ или трето одделение, кога другите ученици ги стекнуваат истите основни вештини.
Клучниот фактор што одредува дали ученикот ќе биде добар или слаб на училиште не е колку агресивно бил втурнат порано, туку неговиот сопствен ентузијазам за учење. Оваа страст не може да се присили на детето со тоа што ќе го научите да чита на четиригодишна возраст. Напротив, многу таканаречени програми за рано учење се мешаат со природниот ентузијазам на детето, принудувајќи го да се концентрира на задачи за кои сè уште не е подготвено.
Кој е најуспешниот пристап за рано учење? Дозволете му на вашето дете да си постави свое темпо и да се забавува без разлика што и да прави. Не го принудувајте на учење букви, бројки, бои, форми или зборови. Наместо тоа, поттикнете ја неговата љубопитност и тенденции да истражува самостојно. Читајте му книги во кои ужива, но не го притискајте да ги научи зборовите. Обезбедете му едукативни искуства, но погрижете се тие да бидат исто така и забавни.
Кога вашето дете ќе биде подготвено да учи букви и да чита, постојат многу вредни алатки кои ќе му помогнат – едукативни телевизиски програми, игри, песни, па дури и некои од најновите видеоигри и ДВД соодветни на возраста. Но, не очекувајте тие сами да ја завршат работата. Треба да се вклучите и вие. Ако детето гледа едукативно ТВ-шоу, на пример, седнете со него и разговарајте за концептите и информациите што се презентираат. Ако си игра со компјутерска програма, направете го тоа со него за да бидете сигурни дека таа е соодветна за неговите способности. Ако играта е премногу фрустрирачка за него, тоа може да намали дел од неговиот ентузијазам и да ја порази целoсно целта. Активното учење во топла средина која пружа поддршка е клучот за успехот. (Извор: Американска академија за педијатрија)
