Лицата кои ги примиле двете дози од вакцината против COVID-19 можат да ја избегнат стандардната 14-дневна карантинска постапка по изложеност на заразено лице, сè додека останат асимптоматски, советуваат американските експерти за јавно здравје.
Целосно вакцинирани лица кои нема да одат во карантин мораат и понатаму да внимаваат на симптомите 14 дена по изложеноста на вирусот
Американскиот центар за контрола и превенција на болести (CDC) во средата објави дека е докажано дека вакцините спречуваат симптоматски COVID-19, за кој се смета дека има поголема улога во пренесувањето на вирусот отколку асимптоматската болест.
Индивидуалните и општествените придобивки од избегнување на непотребен карантин може да го надминуваат потенцијалниот, но непознат ризик од пренесување (меѓу вакцинирани лица), посочува CDC.
Агенцијата постави строги критериуми за луѓето кои по вакцинирањето повеќе не треба да одат во карантин, вклучително да се примени двете дози од вакцината.
Целосно вакцинирани лица кои нема да одат во карантин мораат и понатаму да внимаваат на симптомите 14 дена по изложеноста на вирусот.
Вакцините на „Фајзер“ и „Модерна“ кои се даваат во две дози се одобрени за итна употреба во САД. Компанијата „Џонсон и Џонсон“ минатата недела аплицираше за американско одобрување на својата вакцина која се дава во една доза.
