Бебето на 14 месеци е вистински истражувач. Одело бебето или не, до 14 месеци тоа го совладало движењето во просторот што го познава, а надвор тоа ќе го прави со помош на мама или тато. Покажувањето њ уште еден нов талент кој бебето во овој период го совладува, така што и комуникацијата ќе стане полесна.
Што сега прави?
Со 14 месеци, детето најверојатно веќе оди, но ќе падне ако изгуби рамнотежа. Се сеќава каде го оставило одредениот предмет и ќе го побара на тоа место. Некои бебиња на возраст од 14 месеци можат самостојно да пијат од чашка со клун, но тоа не значи дека така едноставно ќе се откажат од своето омилено шише.
Како комуницира?
Сега веќе знае неколку зборови и ќе ги изговара паралелено со мноштвото брборење, но се подобро го разбира јазикот и може да покажува слики на работи кои ги познава. Освен тоа, бебе на 14 месеци го совладува и самостојното покажување со прст, а со главата покажува кон работите кои сака да ги земме во рака. Тоа значи дека комуникацијата на бебето со родителите станува малку полесна.
Како можете да помогнете?
Ако детето се уште не ги направило првите чекори, оставете го нека се води само според себе. Не го силете, бидејќи очигледно не е подготвено, но консултирајте се со својот педијатар. Со бебе на 14 месеци може да играте едноставни игри во кои ќе именувате објекти, а бебето ќе ги покажува со прст. Во овој период, бебето се помалку ќе се интересира за играчки, а повеќе за светот околу него. Постои непишано правило дека во овој период мајките добиваат следачи во кујната. Одвојте работи со кои може да си игра во кујната, како пластични садови и картонски кутии. Се може да биде играчка, додека е безбедно!
