Очигледно безопасниот чин на влечење за рака на непослушно дете може да заврши доста лошо. На ова предупреди педијатарот Амулија Мајсор на Инстаграм, каде објави видео во кое објасни зошто не треба да го подигнувате детето држејќи го само за рака или ненадејно да го повлечете за рака.
Оваа повреда најчесто е забележана кај деца на возраст од 1 до 4 години, но има случаи каде што се повредени и деца на возраст од 7 години
„Повредата на лактот се јавува кога лактот на детето делумно се дислоцира. Бидејќи коските и мускулите на малото дете сè уште се развиваат, обично е потребна многу мала сила да дојде до повреда, и затоа е толку честа појава”, рече таа.
Според д-р Мајсор, оваа повреда најчесто е забележана кај деца на возраст од 1 до 4 години, но има случаи каде што се повредени и деца на возраст од 7 години.
„Повредата предизвикува болка и потребно е да се побара помош од лекар за да се ублажи непријатноста и да се врати подвижноста на раката“, заклучува докторката.
