Болката во увото на детето (оталгија) може да биде честа причина за посета на лекар. Постојат неколку причини за појава на болка во увото, вклучувајќи никнување на забите, воспаление на грлото, инфекција на увото или блокирање на Евстахиевата туба. Болката во увото кај детето може да биде крајно непријатна појава која ќе го исполни вашиот дом со солзи.
Често се работи за многу силна болка која не поминува сама по себе, туку треба да ја третира лекар.
Болка во увото кај децата – што значи тоа?
- Инфекција на увото (исто така наречена и инфекција на средното уво);
- Течност во увото;
- Пливачко уво (инфекцијата е присутна во надворешниот ушен канал на детето);
- Ушна маст заглавена во внатрешноста на увото;
- Предмет кој бил ставен во уво и се заглавил;
- Повреда на ушниот канал;
- Проблем со забите, како што е кариес или никнување на заби;
- Болка во грлото.
Неопходно е да се побара лекарска помош доколку болката во увото се влошува, упорна е или не престанува дури и откако сте му дале на детето лек против болки. Како и кога од ушниот канал тече крв или гној, областа околу увото почнува да отекува или поцрвенува или вашето дете добива температура.
Топлите облоги можат да помогнат во ублажување на непријатноста во увото. Сепак, внимавајте да не ја изгорите кожата со претопли облоги
Нега во домашни услови
Болката во увото може да биде полоша кога детето лежи; обидете се да го ставите детето да седи или да спие со подигната глава.
Топлите облоги можат да помогнат во ублажување на непријатноста во увото. (Сепак, внимавајте да не ја изгорите кожата со претопли облоги).
Ацетаминофен или ибупрофен може да се користат за ублажување на непријатноста; следете ги упатствата на етикетата или оние кои ви ги дал вашиот лекар.
Немојте да давате аспирин на лица помлади од 18 години. Тоа е поврзано со развојот на Рејевиот синдром, болест која предизвикува отекување на мозокот и црниот дроб.
Исчистете го надворешниот дел на увото со топла крпа, но не ставајте ништо во увото на детето.
Превенција на болка во увото
Не чистете ги ушите со памучна вата или остри предмети! Избегнувајте пасивно пушење и секој кој има настинка (и двете може да ја зголемат веројатноста за инфекција на увото). Дозволете им на децата да стекнат навика добро и често да ги мијат рацете, особено откако ќе си играат со други деца. Ако вашето дете плива многу, прашајте го докторот дали чепчињата за уши и посебни капи за пливање се добра идеја.
