♦♦♦♦♦♦♦
Еден од најпознатите британски улични уметници, чиј идентитет е анонимен за јавноста, Бенкси создаде ново дело, кое го подари на University Hospital Southampton (UHS).
Делото е насловено „Менувач на играта“ и е посветено на медицинските работници кои се на првата борбена линија против коронавирусот. На сликата е прикажано дете кое си игра со кукли. Момчето ги фрлило фигурите на Бетмен и Спајдермен во кантата, а во раката држи кукла која ја претставува медицинската сестра како суперхерој, со крената рака пред себе, како да лета. Таа носи маска на лицето капа и облека со знакот на црвениот крст, кој е единствено во боја (црвена), додека сликата е црно-бела.
Сликата е со големина од еден квадратен метар, а Бенкси оставил и порака за вработените во болницата.
„Благодарам за сè што правите, се надевам дека ова ќе донесе некоја светлина на ова место, иако е црно-бело“, напишал уметникот.
