На голем дел од храната што ја консумираат децата на дневна основа и недостасуваат хранливи материи, преполна е со шеќер и е високопреработена. Децата ги пропуштаат основните хранливи материи потребни за правилен раст и функционирање со редовно консумирање на храната наведена подолу.
Житарици за појадок
Некои житарици за појадок што ги консумираат децата имаат шеќер колку и колачите. Дури и житариците со ознака „од цело зрно“ можат да бидат полни со шеќер и празни калории, со само мала количина на додадени влакна.
Проверете ја етикетата со попис на состојки и проверете дали шеќерот или кое било друго име за шеќер, како што е сирупот од пченка со висок удел на фруктоза, не е во првите три состојки. Наместо тоа, изберете житарици со три или повеќе грама протеини и влакна по порција.
Виршли
Високопреработеното месо, како што се виршлите, содржат нитрити, кои се поврзани со зголемен ризик од рак. Зголемената консумација на црвено и преработено месо исто така е поврзана и со зголемен ризик од коронарна срцева болест, мозочен удар и дијабетес. Исто така, таквата храна е богата со натриум и заситени масти и често се служи со дополнителни зачини со висока содржина на натриум и бели печива направени од брашно, на кое му недостасуваат влакна и хранливи материи.
Некои житарици за појадок што ги консумираат децата имаат шеќер колку и колачите
Пилешки медалјони
Медалјоните од пилешко се вообичаени за децата и се достапни на детските менија во повеќето ресторани. Сепак, тие се пржат во масло. Можете да направите поздрави верзии на пилешки медалјони дома така што ќе ги премачкате пилешките гради со јајце и презла или мелени житарици и ќе ги печете во рерна додека не станат крцкави.
Сокови
Една од најлошите работи за децата всушност не е храната, туку пијалакот. Соковите и спортските пијалаци исто така содржат големи количини шеќер и празни калории. Некои сокови со овошен вкус содржат дури и повеќе шеќер од газираните пијалаци. За деца постари од две години, одлучете се за немасно млеко или обична вода, а само повремено понудете сок од 100 % овошен сок.
Тврди бонбони и лижавчиња
Тврдите бонбони и лижавчиња се всушност само шеќер, вештачки бои и ароми. Тие се штетни за забите бидејќи долго остануваат во устата и можат да предизвикаат кариес. Пособно се лоши за децата кои носат протези.
Бели печива
Едноставните јаглехидрати предизвикуваат ненадеен скок на шеќерот во крвта, а потоа го намалуваат исто толку брзо. Поради овие флуктуации, човекот чувствува губење на силата, а наскоро повторно се појавува глад. Тоа не е најдобра опција за возрасни, а камоли за деца. Брза и здрава алтернатива е тост од цело зрно со овошен намаз.
