Искористете го крајот на сезоната на јагоди и направете едноставен чизкејк во чаша, на кој најмногу ќе му се израдуваат децата
Потребно е (за две лица):
- 125 грама сирење маскарпоне
- 150 грама јагоди
- 4 бисквити
- 1 лимон
- 1 лажица кристален шеќер
- 2 лажици шеќер во прав
- 1 лажица путер
Начин на подготовка:
Во тенџере загрејте ги исчистените јагоди, белиот шеќер и една лажица сок од лимон. Мешајте се додека шеќерот не се растопи, а јагодите не омекнат. За тоа ќе ви бидат потребни три до четири минути. Сомелете ги бисквитите и измешајте ги со стопениот путер.
Распоредете ја добиената смеса во две чаши, и притиснете ја на дното. Нежно измешајте го сирењето маскарпоне, преостанатиот сок од лимон и шеќерот во прав. Врз бисквитите ставете го добиениот крем од сирење, а врз кремот сипете ги јагодите. Послужете веднаш.
